Video
Read full review
2021-11-30
199 views
今日阿妹生日, 佢又好鬼鍾意食日本野, 所以就book左呢間居酒屋食生日飯。一入到去就見到暗暗地既燈光, 加埋張吧台, 就諗到平時收工都可以同班同事黎摸摸杯底放鬆下, 一定好chill, 整間都好有日式居酒屋既格調同氛圍, 有種令人放鬆、想約埋一班朋友把酒談歡既感覺!🥢日式清涼前菜拼盤(涼拌秋葵、薯仔沙律、鰹魚昆布)非常開胃, 停吾到口, 差啲食埋阿妹果碟🤣!🥢大蔥雞肉串 - 醬燒過既大蔥不單止吾會有辛辣，而且甜甜地超好食; 雞肉都燒得岩岩好, 好嫩好滑，但大蔥個人覺得更有驚喜！🥢唐揚富山白蝦 - 細細隻既富山白蝦炸得好酥脆香口, 配埋杯生啤, 做下酒菜真係一流, 不過食既時候就要小心蝦鬚拮嘴, 要慢慢食😝🌟極度推介牛根大根味噌煮, 啲牛根腩煮得入味到不得了, 牛味濃郁, 蘿蔔同牛腩真係絕配,蘿蔔都煮得好軟腍，吸收哂牛肉既味道之餘, 亦解左牛根既肥膩, 呢道真係必點🥰!🥢鹽燒大白鱔 - 白膳只需要簡簡單單鹽燒已經足夠, 因為主要係食佢魚既鮮味, 呢串食得出食材都好新鮮🥢熊本豬腩肉串 - 一上枱已經睇到流哂口水, 淨係睇隻色都好吸引, 熊本豬腩肉出名無肉腥臭味、肥瘦分明, 肉質柔軟又耐烤
一入到去就見到暗暗地既燈光, 加埋張吧台, 就諗到平時收工都可以同班同事黎摸摸杯底放鬆下, 一定好chill, 整間都好有日式居酒屋既格調同氛圍, 有種令人放鬆、想約埋一班朋友把酒談歡既感覺!
🥢日式清涼前菜拼盤(涼拌秋葵、薯仔沙律、鰹魚昆布)非常開胃, 停吾到口, 差啲食埋阿妹果碟🤣!
🥢大蔥雞肉串 - 醬燒過既大蔥不單止吾會有辛辣，而且甜甜地超好食; 雞肉都燒得岩岩好, 好嫩好滑，但大蔥個人覺得更有驚喜！
🥢唐揚富山白蝦 - 細細隻既富山白蝦炸得好酥脆香口, 配埋杯生啤, 做下酒菜真係一流, 不過食既時候就要小心蝦鬚拮嘴, 要慢慢食😝
🌟極度推介牛根大根味噌煮, 啲牛根腩煮得入味到不得了, 牛味濃郁, 蘿蔔同牛腩真係絕配,
蘿蔔都煮得好軟腍，吸收哂牛肉既味道之餘, 亦解左牛根既肥膩, 呢道真係必點🥰!
🥢鹽燒大白鱔 - 白膳只需要簡簡單單鹽燒已經足夠, 因為主要係食佢魚既鮮味, 呢串食得出食材都好新鮮
🥢熊本豬腩肉串 - 一上枱已經睇到流哂口水, 淨係睇隻色都好吸引, 熊本豬腩肉出名無肉腥臭味、肥瘦分明, 肉質柔軟又耐烤, 食落仲有適當既甘甜味, 加上燒汁同鰹魚絲點綴, 入口鬆化香軟味美
🥢另外串燒雞皮同雞翼都好出色, 又香又脆; 雞脾菇就中規中矩
最尾見個胃仲差少少先飽, 就嗌左個照燒雞扒飯埋尾, 成件事好圓滿🙆🏻♀️
Post
