Video
3-min walk from Exit N2, Tsim Sha Tsui / East Tsim Sha Tsui MTR Station
continue reading
Telephone
92204403
Introduction
This Izakaya restaurant is located in Tsim Sha Tsui. It is designed with many modern paintings and wooden dining tables in Japanese style. It mainly serves Japanese skewers. It uses Japanese ingredients such as Japanese chicken hearts and Kumamoto pork belly.
continue reading
Opening Hours
Today
11:30 - 23:30
Mon - Sat
11:30 - 23:30
Sun
Closed
Above information is for reference only. Please check details with the restaurant.
-
Online Booking Service Not Available
今日同朋友到尖沙咀食飯，去到餐廳不用等位就可以入座 。我們叫了招牌炸雞軟骨、唐揚魷魚鬚、串燒雞橫隔膜、大蔥雞肉串、熊本豬腩肉串、燒日本豬腸、鰻魚飯、高棻豆腐什棻鍋、炸雞皮餃子和燒蘆筍 。首先，招牌炸雞軟骨的口感令人驚艷，外皮酥脆，內裡的軟骨則是鮮嫩多汁，搭配上特製的醬汁。唐揚魷魚鬚經過精心醃製，炸至金黃酥脆，帶有淡淡的海鮮香氣。串燒方面，我們點了雞橫隔膜、大蔥雞肉串和熊本豬腩肉串，每一串都經過炭火燒烤，火候掌控得宜，肉質鮮嫩，搭配上香濃的鹽味，讓人感受到食材的原汁原味。燒日本豬腸的口感更是獨特，外脆內嫩，搭配特製的醬汁，讓人欲罷不能。此外，鰻魚飯的米飯吸收了鰻魚的鮮美，香氣四溢，而高棻豆腐什棻鍋則是清爽的選擇，豆腐的滑嫩與新鮮的蔬菜相得益彰。炸雞皮餃子更是驚喜，外皮酥脆，內餡豐富，讓人一試成主顧。最後，燒蘆筍的清新口感為整頓餐點畫上完美的句號。整體而言，這間日式串燒餐廳不僅菜品新鮮美味，環境都相當舒適 。
continue reading
《Hea Ha Hea Ha 居酒屋 - 尖沙咀》發覺近來去多左居酒屋聚餐，個重點除左係食飯之外，仲貪居酒屋可以飲番杯吹下水，食下串燒小食，好多時飲多過食😜今次我就去左位於尖沙咀既一間幾有氣氛既居酒屋食串串，當晚閒日都好滿場，原來餐廳入面仲有包廂的🤪隱約聽日房內既客人好hyper，氣氛好似好好咁，睇黎呢度平日都好多人會book 場gathering 的，都幾有私隱度😎💁🏻♀️Sappro生啤 $52黎居酒屋又點可以唔飲啤酒，$52喺尖沙咀黎講唔算貴，大大杯好夠凍💁🏻♀️唐揚炸白鱔 $68燒鱔就食得多，原來炸鱔既口感都好唔錯的😎用左做炸雞既方式製作，可以點蛋黃醬或者椒鹽食都好惹味😋係好適合送酒既小食💁🏻♀️串燒雞皮 $32又係送酒一流嘅串燒，聽講食材係來自日本的，呢度製作嘅燒雞皮唔會燒得過乾，中間仲保留住少少油香，外面面脆卜卜好似薯片咁，好香口😝💁🏻♀️燒翠肉瓜 $24平時我唔太食翠玉瓜的，但係用嚟燒迫晒啲肉汁出嚟又幾好食，翠玉瓜味道鮮甜，食完咁多香口嘢，啱晒用嚟清清味蕾💁🏻♀️燒日本豬腸 $48原本想叫牛腸的，但係當日賣晒，所以我哋就試吓日本嘅豬腸，同樣都係肥美有油香，用咗甜甜地嘅醬汁燒香，外層脆脆地，中間保留咗少少軟淋淋既口感，食落唔會有豬肉嘅腥味，下次有機會都想試埋個牛腸💁🏻♀️豚肉車厘茄卷 $40鍾意又鹹又甜味道嘅我，真係好鍾意呢個豚肉車厘子，出邊嘅豚肉有啲似用咗醃製嘅五花肉，再包住香甜嘅車厘茄，燒過嘅車厘茄會隱約帶有焦糖嘅甜味，同豬肉嘅味道好合拍，點少少鹽已經可以吊起個味道👍🏻💁🏻♀️燒牛小排 $68燒牛小排嘅份量好似比較少，食落有筋膜位置，亦都食到油脂嘅香，用咗甜甜地嘅醬油燒香，邊邊燶咗嘅位置幾香口，食落無筋好嫩滑👍🏻💁🏻♀️美國牛肋骨肉 $58對比起牛小排，呢一款牛肋骨肉就相對重肉味少少，食落有口感同質感💁🏻♀️熊本豬腩肉串 $58呢一個豬腩肉串一定要同人share，佢就好似梅菜扣肉嗰啲嘅豬腩肉，不過用咗燒嘅方式製作，本身已經醃煮咗，之後再燒香，肥肉嘅位置好香肥油嘅味道，不過一個人食晒真係會好漏，呢個時候飲酒就最啱不過啦💁🏻♀️燒連殼廣島蠔 $58呢度嘅燒廣島蠔嘅價錢相對比較高少，不過睇落都幾大隻同埋幾肥美，連殼燒嘅好處就係佢可以保存住肉汁唔會燒乾晒，我哋兩個人分嚟食都覺得好Creamy好足夠，可能因為佢比較大隻啦
continue reading
呢個國慶週令香港熱鬧左好多‼️夜晚比平時多左好多人，book餐廳食飯都要預早啲～～呢間居酒屋係朋友推介的，加上餐廳名勁易記點知嚟到嘅時候，竟然無咩人食完之後，覺得真係值得有更多人嚟幫襯‼️串燒燒得好好，最鍾意係「大蔥雞肉串」燒得好夠香之餘，雞肉非常juicy，而且舊雞肉係大舊的日本大蔥好爽甜「牛脷心」集軟、爽、彈於一身嘅牛舌心係最好味❤️每次見到有牛舌心我都會必叫～～燒到外層有焦香，真係好加分「Hea 吓招牌沙律」睇呢個菜式名睇唔出有啲乜，一心抱着試吓，見到實物後都唔算好吸引，有蕃茄、沙律菜、吞拿魚、炸蓮藕片！但食落係非常開胃，好好食炸蓮藕片更加係一個亮點，脆卜卜，配埋新鮮沙律菜嘅清新爽脆「雞頸肉」識食串燒一定要食雞頸肉，肥瘦交織融合，肉質非常有彈性，有嚼勁又帶嫩滑口感「鹽燒油甘魚鮫」每次去居酒屋都一定會食，用鹽燒更能帶出魚油香，並滲入魚肉度，真係難以抗拒‼️生薑豚肉飯P.S. 好鍾意呢度嘅Q版圖片，豪邁中帶有童真
continue reading
Happy Friday 就黎左試呢間居酒屋😆😆✨日本味噌牛雜煮 $108都有好多舊 全部都好入味👍🏻👍🏻 不過就唔覺得似日式🙈 蘿蔔唔夠淋甜✨原味鯖魚（原條）$128好大條👍🏻👍🏻 啲肉好厚實 不過我覺得就冇咁嫩滑 都係燒花魚好食啲✨美國牛肋骨肉 $58✨大蔥雞肉串 $38✨串燒雞肉 $38✨串燒雞橫隔膜 $30嗌左幾串串燒 推介牛肋肉 牛味好濃👍🏻👍🏻 大蔥雞肉同串燒雞肉都唔錯 好有雞肉味 串燒雞肉有啲紫菜粉調味好食👍🏻👍🏻 雞肉都ok 嫩🍹巨峰提子梳打酒 $48一入口好香嘅巨峰提子味 但後面啲酒味出黎嘅時候會覺得有啲似藥水味🤣🤣🤣🍹桔子梳打酒 $48呢個飲落好清新✨前菜 $56正正常常😂 總括黎講都幾好食嘅 不過後面有班男人講野好大聲好嘈 仲要夾雜埋粗口味道❤️❤️❤️❤️抵食❤️❤️❤️❤️服務❤️❤️❤️💔環境❤️❤️❤️💰晚餐人均～$300 （包括+1）
continue reading
今晚難得約到三位好朋友一齊食飯，上網睇咗好耐，最後揀選了這一間日本的居酒屋，見到食評很好，所以懷着期待的心情來到餐廳我們四個人被安排坐喺第二張枱，左右兩邊都有一台食客，原本右手邊一台有兩位操普通話的男士，講嘢非常大聲，有另一台食客已經開聲請他們聲量減細一些，我也提出和議，慶幸這兩位男士都願意配合，而且差不多已經埋單離開，但之後惡夢繼續...差不多10個食客似乎是來自同一間公司的，來到餐廳坐喺我哋隔籬，他們的聲量嘈吵的地步彷如街市所有檔口圍住你喺度叫賣一樣，還夾雜粗口，令我們十分頭痛，完全聽唔到對方講嘢，而他們也不會為其他人設想，好像自己在包廂一樣，實在他們有些人也是說普通話，似乎有自己特定的文化，向店員反映但可惜也未能處理得到，反而店員和這班食客打招呼彷似相熟。我們原本點了的菜因為等咗好耐都未嚟，所以直接取消馬上埋單離開。真係從來未試過喺一間嘈到似Disco和街市嘅日本餐廳食飯，座位好逼夾，如果想同朋友好好享受晚餐傾吓偈，千萬不要揀這裡，浪費了和好友相聚的時刻。
continue reading