Video
Read full review
2018-05-06
153 views
太子差館附近多酒吧就好多人都知，但呢到有酒吧賣串燒就唔係人人知啦我哋都係路過，唔覺意發現到呢度有間串燒店！覺得個樣都OK，所以就入嚟試吓啦先來個燒雞泡魚干$48，燒到脆卜卜咁，點埋啲沙律醬一齊食，好味再嚟個燒芝士粟米$24，粟米上面放左啲芝士同埋辣粉，咁嘅食法都係第一次口感豐富得嚟，亦都夠晒惹味另外仲叫咗燒玉子$18、牛舌心$26 同孜然羊串$18！燒玉子就外層有少少脆，入面就香軟，幾得意！蒜蓉粉絲蒸蝦就食得多，但蒜蓉粉絲蒸茄子原來都唔錯茄子食落軟綿，加埋蒜蓉粉絲一齊食，清新又健康之後係煙肉芝士燒烤菇$28，芝士份量非常大方，配埋煙肉一齊食，雖然好邪惡，但真係好好味食串燒當然唔少燒雞全翼$24啦！外層香脆，肉質嫩滑，送酒一流初頭朋友驚燒菠蘿$22 會好乾，點解嚟到之後發現一啲都唔乾之餘，菠蘿仲好鮮甜好食 ！燒蘋果$12 又係意想唔到嘅好食👍🏻出面搽咗啲蜜糖，食起嚟有少少似蘋果批個餡！最後我地再一人叫咗一杯酒，我要白酒，朋友要Margarita！一路食一路飲，呢啲先係Happy Friday 嘛！
我哋都係路過，唔覺意發現到呢度有間串燒店！覺得個樣都OK，所以就入嚟試吓啦
先來個燒雞泡魚干$48，燒到脆卜卜咁，點埋啲沙律醬一齊食，好味
再嚟個燒芝士粟米$24，粟米上面放左啲芝士同埋辣粉，咁嘅食法都係第一次口感豐富得嚟，亦都夠晒惹味
另外仲叫咗燒玉子$18、牛舌心$26 同孜然羊串$18！燒玉子就外層有少少脆，入面就香軟，幾得意！
蒜蓉粉絲蒸蝦就食得多，但蒜蓉粉絲蒸茄子原來都唔錯茄子食落軟綿，加埋蒜蓉粉絲一齊食，清新又健康
之後係煙肉芝士燒烤菇$28，芝士份量非常大方，配埋煙肉一齊食，雖然好邪惡，但真係好好味
食串燒當然唔少燒雞全翼$24啦！外層香脆，肉質嫩滑，送酒一流
初頭朋友驚燒菠蘿$22 會好乾，點解嚟到之後發現一啲都唔乾之餘，菠蘿仲好鮮甜好食 ！
燒蘋果$12 又係意想唔到嘅好食👍🏻出面搽咗啲蜜糖，食起嚟有少少似蘋果批個餡！
最後我地再一人叫咗一杯酒，我要白酒，朋友要Margarita！一路食一路飲，呢啲先係Happy Friday 嘛！
Post
