滿串自家醃制串燒店 (砵蘭街)

Open Now

Now Closed

今日同一班朋友一齊黎食串燒！串燒選項真係幾多，肉類，海鮮類，仲有蔬菜類！我地一黎就叫到一枱都係。依度係即叫即燒，一上到枱就熱辣辣，夠晒新鮮。串燒有少少新疆口味，有孜然粉同其他香料做調味。其實唔洗點汁都好夠味。個人比較喜歡雞泡魚干，燒茄子，燒牛舌，燒粟米，同埋燒雞肶菇。雞泡魚干燒得幾香，加埋沙律醬就更好味。燒原條茄子，開邊之後加上香料，好好味呀！牛舌唔會切得太薄，好有咬口，燒得好香，一啖一粒，不錯。至於粟米，好香甜呀！雖然只係食串燒，不過食吓食吓都幾飽架！