IZA 居酒屋

Open Now

Now Closed

之前比較少去圓方食嘢，所以腦海入面從來對呢個地方嘅餐廳都好陌生。然後今次誤打誤撞下，試咗圓方頂樓上面嘅日式餐廳Iza，估唔到又有啲驚喜喎！Menu嘅選擇都幾多，有刺身、壽司、串燒、天婦羅等等。既然咁多選擇，就每樣都嗌咗啲嚟試。刺身部份夠新鮮肥美，然後all time favourite嘅海膽壽司食落都好鮮甜！蟹肉天婦羅亦都炸得唔油膩，食落好夠crispy，同埋蟹肉都好多，好正！串燒部份好有驚喜，每次都食得到好香嘅炭烤味，而且肉嘅外表都燒到脆脆地，好少可惜到串燒係可以咁濃嘅炭烤味，大推！最後仲叫咗黑松露和牛炒飯，個飯炒得幾香，加埋黑松露嘅香氣直頭冇得輸！