博居酒屋

Open Now

Now Closed

呢間居酒屋環境氛圍令人覺得好relaxing，Menu有3 sets選擇，好似食串燒omakase咁。我同老公分別揀左「雛菊」同「紅葉」，每set都有7款串燒/燒物同1份燒飯團，亦附上蔬菜盤、師傅秘製醬汁同3款調味鹽(咖喱鹽、柚子鹽、竹炭鹽)。串燒本身已調好味，就算唔點醬汁同特味鹽都已經好夠味道好好食👍🏼🌼雛菊set入面我覺得雞腎串好好食，非常爽脆；紫蘇葉魷魚串幾特別，魷魚食落有嚼勁都夠彈牙，配上帶點薄荷味道既紫蘇葉；燒飯團我第一次食，脆既飯粒好似食爆谷咁，亦唔會痴牙，放左係枱一段時間紫菜都仲夠脆。🍁紅葉set入面免治雞肉軟骨棒最吸睛，雞肉軟骨棒口感軟身，食到既軟骨部份都好易咬開點上蛋黃醬油食甜甜地好好食；紫蘇葉豬肉串同黑豚肉大蔥串比較相同；燒帶子兩粒都大大粒，好入味。其他串燒都好食既，整體黎講質素都高👍🏼