串囍

Open Now

Now Closed

發現到一間幾Chill的Fusion小餐廳，主打食串燒同埋D日式加西式的Fuision料理，就好似我今日叫嘅野食咁樣，串燒再加一份沙律，Fresh D，唔洗淨係食肉咁肥膩。叫咗3串串燒，當中最正嘅就係中間嘅羊架，唔係好肥，唔係好羶，燒得好香好Juicy，外皮燒到微微燶邊，真係燒得好有誠意。另外嗰兩串都好食嘅，只係無件羊架咁出色，串牛舌芯第二好食，燒得唔韌，內層掌握得好好，剛剛熟，又係少少燶邊，正。至於串雞肉串D雞肉基本上係無肥膏嘅，所以可能就係少咗D雞油所以無咁香。呢個沙律嘅質素都幾高，起碼佢用嘅菜好新鮮，塊塊菜葉都光鮮，個沙律醋都OK，唔會太酸，整體都幾好。