Video
Read full review
2015-11-12
807 views
我好早訓，所以搬左入元朗成十個月都冇試過元朗幾出名下嘅宵夜，撞啱今晚喺深圳返到香港成十二点，走去又新街附近即係新B仔涼粉條街睇下有乜好野食。行嚟行去，發覺呢間叫新記煲仔雞粥幾多人幫趁，走入去食碗粥消夜先！個人覺得呢度係主打宵夜嘅！食物設計及份量都好符合夜貓子嘅需要; 粥同腸粉有大量選擇，呢兩種食品容易消化，適合夜晚食，另外亦有好多不同選擇嘅小食，適合夜晚鍾意飲番兩杯嘅朋友。𥄫倒樣叫做海鮮粥嘅野話特價HK$58, 隔離枱有叫，望落唔錯，叫番個先！淨食粥寡啲，叫多個蝦米腸送粥。海鮮粥 HK$58嘩，料多到呢！成隻水蟹掉左落去滾粥，另外有兩三料帶子、五六隻蝦同埋三四塊班片，正所謂唔打得都睇得，純講賣相份量，贏哂！先食粥，好甜，講真放咁多料去煲咁細煲粥，唔甜就真係妖異啦！粥底亦係非常軟滑香綿，估計用左珍珠米同泰國米兩溝煲成，泰國米有香味，而珍珠米較綿滑，兩樣加埋啱啱好！蟹、蝦同班片都新鮮甜美，但帶子就一般，應該加左疏打粉，冇哂味。不過成煲粥計，我好滿意。葱花粥米腸 HK$17看賣相一般，絶對係預早拉定嘅，夾起唔會散。食舊先，粉唔太爽但滑漏，蝦米靚兼冇乜沙，葱份量多，提升了整體味道，如果係即拉嘅
行嚟行去，發覺呢間叫新記煲仔雞粥幾多人幫趁，走入去食碗粥消夜先！
個人覺得呢度係主打宵夜嘅！食物設計及份量都好符合夜貓子嘅需要; 粥同腸粉有大量選擇，呢兩種食品容易消化，適合夜晚食，另外亦有好多不同選擇嘅小食，適合夜晚鍾意飲番兩杯嘅朋友。𥄫倒樣叫做海鮮粥嘅野話特價HK$58, 隔離枱有叫，望落唔錯，叫番個先！淨食粥寡啲，叫多個蝦米腸送粥。
海鮮粥 HK$58
海鮮粥
$58
97 views
0 likes
0 comments
74 views
0 likes
0 comments
40 views
0 likes
0 comments
嘩，料多到呢！成隻水蟹掉左落去滾粥，另外有兩三料帶子、五六隻蝦同埋三四塊班片，正所謂唔打得都睇得，純講賣相份量，贏哂！
先食粥，好甜，講真放咁多料去煲咁細煲粥，唔甜就真係妖異啦！粥底亦係非常軟滑香綿，估計用左珍珠米同泰國米兩溝煲成，泰國米有香味，而珍珠米較綿滑，兩樣加埋啱啱好！蟹、蝦同班片都新鮮甜美，但帶子就一般，應該加左疏打粉，冇哂味。不過成煲粥計，我好滿意。
葱花粥米腸 HK$17
52 views
0 likes
0 comments
呢度粥底相當唔錯，揾次encore ，試埋佢地啲小食同埋小炒先！
Post
