新曼谷泰菜 (Closed)

因為我係被人遺棄嘅小寶寶 所以今日冇飯帶 就出去食 食完又可以寫食評 最近同事話isquare 有間泰國野幾好食 唔試下點對得住自己 所以我就去左啦 間野叫新曼谷泰菜 係isquare 六樓其實佢lunch menu都幾多野食 有炒飯 有咖哩 有湯河 平均五十幾蚊有湯有野飲 都幾好 咁我就叫左個菠蘿海鮮炒飯 佢好快就送上左個餐湯黎 今日係青紅蘿蔔湯 咁因爲我就好肚餓即刻飲左淡 點知之後就飲唔落 因為真係太咸 所以冇再飲啦 而且我好期待佢個炒飯用菠蘿殻裝住個飯 好似個menu上面幅圖咁 果然我太天真了哈哈 不過個味道都唔錯 啲飯裏面海鮮都ok足料 最好嘅係佢菠蘿都幾大粒 好味道 而杯紅豆冰同平時茶餐廳個啲唔同 佢成杯都用椰奶 好好飲 大家可以去試下