新曼谷泰菜 (Closed)

新曼谷泰國菜館 #尖沙咀喺iSquare入面，入面嘅侍應全部都係泰國人，雖然唔係太平，不過味道真係好好。咖喱軟殼蟹 $198佢哋有分咖喱軟殼蟹同埋另一種乾咖喱軟殼蟹，問咗侍應佢哋話乾咖喱軟殼蟹就就咁用一啲咖喱淋上去啲軟殼蟹度，雖然平成$100，但係呢一款先係用蟹膏整成嘅咖喱，有埋啲蛋漿係入邊嗰隻。好特別的呢一個軟殼蟹係有兩大隻超大嘅蟹鉗，而且真係會啖啖肉，同平時細細隻咬落去係冇乜肉唔同。個咖喱亦都好好味，唔會太辣、甜甜地，用嚟撈飯或者點包一流！蒜蓉包＄35本身諗住嗌嚟點咖喱，點知個蒜蓉包就咁食都超級高質！齋睇個樣都見到佢真係加咗好多香料係上面，而且烘得非常香脆！誇張到我哋最後唔想晒嚟點咖喱，仲嗌多咗一碗白飯。蠔仔餅 $108呢一碟相比之下比較遜色，下面用咗一大堆芽菜墊住個蠔餅，所以出咗好多水，搞到個蠔餅唔夠香口，而且味道唔算太濃。青咖喱牛肋條 $108呢個咖喱都好好食！青咖喱唔算太辣，而係好香椰汁味，配埋牛肋條一齊食，好正！雖然呢一間唔算好平,但係的確幾好味！味道: 4.5/5性價比: 4.5

朋友好鍾意食泰國菜 貪方便高黎左試下 晚上7:00幾人唔多 見到menu基本泰國餐廳有嘅都有 幾standard嘅選擇 咁我地就叫左細嘅冬陰公湯 泰式炒通菜 椰香海鮮飯 上菜幾快嘅 而且d菜上到枱仲好熱 份量好大落完單 飲品好快就上 都偏甜但都估到假芒果味 所以正正常常啦冬陰公湯都算足料嘅 有蝦有菇同其他配菜 味道易入口 偏酸同香料味唔太重 辣味都唔多 有少少似飲蕃茄湯嘅感覺 可以接受啦泰式炒通菜基本上每次食泰菜都會叫嘅 份量好大 無馬拉盞炒咁鹹 有少少辣椒嘅香味 無咩要求 好standard嘅炒通菜最後個椰子海鮮飯其實幾失望 份量多就多 但無咩海鮮料 感覺無味嘅白飯加少少海鮮加d椰奶同椰子肉就完 雖然椰奶好香好好味但食中間嘅時候好有淨食白飯嘅感覺整體成餐飯就一般般啦 2個人食每人$180無話好驚喜 大家都食飽嘅～

三個鐘意食泰菜嘅人約喺tst食飯，上網做咗好耐功課，之前有食過新曼谷喺灣仔同寶勒行分店，印象中唔錯，咁啱又喺app見到isquare店喺晚飯時間有85折，一於試吓啦！去到門口即刻show俾泰國侍應姐姐睇我地經app訂咗8點，佢好有禮貌招呼我地入座，加埋泰式招牌笑容，感覺好親切睇完menu，點咗5樣餸，生蝦，泰式凰爪，馬拉盞炒通菜，咖喱大蜆，檸檬明爐魚！而家仲有優恵，我最愛嘅泰象啤細枝裝買一送一，緊係叫夠3set，每人2枝先夠喉但order時好似嚇親侍應姐姐，佢remind我地係買一送一，點知我地話6枝冇問題，佢俾好驚訝之係俾咗個我地！講返d餸，生蝦新鮮唔會梅，但個人覺得醬汁可以再辣d！泰式凰爪夠入味夠酸夠辣，份量夠多馬拉盞炒通菜都炒得好香！咖喱大蜆咖喱汁香中帶甜，忍唔住即刻order咗份蒜蓉包點咖喱汁食不過大蜆就得個殼係大，蜆肉有d唔成比例，下次可能咖喱配其他野會好d！檸檬明爐魚條烏頭都新鮮唔會梅，而且配檸檬可以去腥味，酸酸地好開胃，連怕腥嘅朋友都大讚食飽傾傾吓計，又忍唔住叫多芒果櫺米飯做結尾最後埋單每人大約250不錯嘅泰菜，但首選一定係九龍城抵食又地道

如果晏晝黎尖沙咀，又想平平地食泰國野，黎呢到就岩啦！呢間野係isquare 6樓，一d都唔難搵，但晏晝食既話最好十二點幾就黎，如果遲左就要等位架啦。佢個lunch menu都有十幾款野食揀，大概都係50-70蚊到，仲配湯配野飲，超抵。今日我就叫左豬頸肉湯河同龍眼冰，基本上10分鐘內已經送到，幾快。首先另外佢送個湯應該係蓮藕豬肉湯，唔係味精味，應該都係真材實料煲既。仲有d蓮藕好爽口，個湯都幾高質。個河粉d豬頸肉好有咬口，一d都唔乾。河粉就正常，都冇得伏到去邊。但佢有生菜同蘿蔔都幾正，d蘿蔔超甜，好味龍眼冰都幾大杯，甜度適中。我最後都食唔哂碗粉，所以$48蚊黎講其實超抵食！

I saw online, 50%discount for 1730.I booked and invited my friend to go with me.It was a bit early but I still can saw there are 3-4tables were occupied.Pork neck with lettuce The pork neck was a bit salty, but if u wrapped with the lettuce. The flavour is much better.Vegetables, nothing really special.However, the normal price is cost hkd$80. I think is a bit expensive.Shrimp - taste good and the shrimp is big tho.Yellow curry chicken - In the menu they only offered yellow curry with lamp, but

在尖沙咀lunch 食飯多選擇但又人多，有同事竟然發掘到在isquare 尼間泰國餐廳，第一次試過海南雞飯，覺得好味但忘記影相，今次試尼個豬手飯豬手炆得好淋，而泰式酸辣醬汁好野味😋😋尼個午餐仲包一杯飲品，特飲都唔需要加錢，價錢唔過$60，在isquare 尼個價錢食午餐，我都以為聽錯，簡直係好味又抵食👍👍

今日遲左食lunch見下午茶時間呢間野個menu幾抵同吸引就決定試下。差唔多3點去到都仲有d人係度食緊。試左個豬頸肉湯河，豬頸肉切成薄片但非常多塊，香又唔會話覺得好肥油膩，好滿足。🤩仲有唔少菜同白蘿蔔所以餸真係幾豐富。河粉份量都好多，個湯係幾濃味會好想食落去。跟餐仲有杯野飲送龍眼冰椰汁冰呢d都唔洗加錢。要左杯椰汁冰，唔算好濃椰子味但唔會太甜，夏天飲幾舒服同配個湯河係幾正。❄️成餐$48唔洗加一係尖沙咀商場食到呢個價當lunch真係覺得幾抵食。下次會想試埋其他泰國菜。👍🏻👍🏻

週未一行四人係呢個商場睇完戲決定順便係到搵嘛食想輕輕鬆鬆食個飯又多餸菜款式可以選擇又想經濟實惠 大件夾好味泰國菜🇹🇭幾時都係最好嘅選擇 同行嘅朋友仔仲非常醒目用其中一個訂位app即時訂位即可享用全單85折優惠泰國菜最好嘅地方係菜款眾多有海鮮、牛肉、雞肉、羊肉、豬肉、各式咖喱沙嗲，又有湯同沙律，連整條魚都可以明爐煮食。約嘛一班朋友食飯就啱晒！⭐️大蝦🍤柚子沙律🥗係每次都必點嘅！泰國菜偏重口味，呢個沙律就啱啱好中和返濃味嘅食物！呢到個柚子沙律好清甜😍⭐️⭐️⭐️⭐️生蝦刺身⭐️⭐️⭐️⭐️好正！大隻！爽脆！一碟有8隻！份量一d都唔少！點嘛個泰式辣汁真係💯分👍🏻同行既朋友食完都讚不絕口！⭐️ 仲有冬陰公湯，青咖喱同泰式炒菜加埋個蒜蓉包！呢到每一個餸菜嘅份量普遍都好大碟，我地兩男兩女♥️都食到好飽🤤🤤🤤⭐️⭐️唔知係咪因為商場嘅餐廳競爭太大，太多餐廳選擇，呢間泰國餐廳竟然係週末嘅晚飯時間都唔使等位，但絕對冇伏！仲有驚喜！大家睇完戲都值得黎一試！

國際廣場食飯不會太平，在午餐時間附近一碗河粉都可以80幾元的情況下。而家呢個飯都係只有50幾。飯夠多，而且在環境都不錯。泰國午餐夠簡單。飯都足夠，材料新鮮，12點已經準時開門。阿姊姊都幾熱情知道我地等緊。

這間泰式餐廳位於尖沙咀的Isquare, 在云云餐廳之中，這可算性價比幾高的家。午餐有泰式湯粉、炒麵炒飯等，定價只不過是$48-$68， 免加一，仲可以飲紅豆冰或龍眼冰，認真抵食。燒豬頸肉湯粉$48這湯粉的豬頸肉份量十足，有成四件，而且每一件都啖啖肉！燒豬頸肉燒得幾香，肉質軟身又juicy. 湯底雖然比較淡口，但豬頸肉夠味，再配上湯粉，味道好ok.龍眼冰入口冰涼，味道清甜，帶有龍眼的果甜，都幾消暑。整體而言，抵食！

今午可以同他一同食午餐，難得約倒就去食泰國野啦。呢度午餐算抵食，又冇加一又送野飲又送湯。佢愛豬脾飯、我就愛炒飯所以選左蝦醬肉碎炒飯基本上我食左幾次呢間、多數都點呢款、所以味道必定是好食我先咁叫他的豬脾都不差，份量足料配左個醬汁都幾夾。餐湯多數都有蘿蔔，食過幾次都一樣，有時是冬瓜，味道都接受的。地方不窄坐得都叫舒適，午市人流都很多，但好在不用常等位、註定呢度係我既鐵飯開餐地方啦！整體已是合格不論裝修到食物質素及服務推介

I am a Thai food fan,the hot, sweet, sour, smell are just making me happy.So i went to have a Thai lunch, in this rainy day.I guess 98% of the staffs working there are Thai, and you can see the typical Thai style seasoning jars on the table.which makes me put down all the worries for a while I ordered the Glass noodles with chicken in sukiyaki sauce ($48).Glass noodles is a relatively healthier choice,especially this one was coming with bunch of vegetables.with the touch of sukiyaki sauce, this

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！我倆都頗愛吃泰國菜，要吃好吃較正宗的要去九龍城，奈何位置唔太方置，有時在尖沙咀的話就會上I Square的新曼谷泰菜。泰菜其實基本上很少機會吃到難吃的，畢竟香料那麼多，怎樣做都會好吃。第一次來新曼谷泰菜是兩年前帶緬甸客人來的，那次的確很好吃，覺得不用特意去九龍城那種，但之後再去水準較飄忽，有時很好有時普通，今日剛好和女友在尖沙咀逛街，突然想念這裡的蠔仔蛋，所以便去了！六點入座，餐廳客人只有幾個，由於我們不太餓，所以就只點了蠔仔蛋和海鮮炒粉絲。我也不知蠔仔蛋是不是泰菜，在泰國也好像很少見到，反正好吃就叫了。或者可以當它是泰式蠔餅，但沒有加粉漿的，就是蛋和蠔仔。配料越少質素就必須越好，蠔仔隻隻肥大飽滿，重蠔味，吃得出是新鮮的，用鐵板端上檯已經吱吱響，蛋微焦，

呢間泰式餐廳係越食越差，對比半年前黎食味道差得遠之餘，服務都好差，不可一不可再。點了：海南雞湯河套餐。海南雞方面，海南雞都係比較肥而且沒有海南雞味道，所以質素較差，肉質有點老既感覺，不太好了。湯河味道就正常既，不過不失，可以接受。不過海南雞配湯河有點不夾。飲品方面，熱龍眼味道尚可，唔太甜。不過午餐係有湯飲的，一開始坐左10分鐘都未黎就叫女侍應，佢話黎緊，食物已經食緊一半，湯未黎再叫，又話黎緊得啦，語氣唔好，結果食完個lunch都未黎，之後再叫先察覺仲未有，過一陣湯就黎到，不過已經係點餐後半個鐘以上，所以服務態度係好差。總結雞太肥，垃圾服務態度。

今日到尖沙咀食飯，平時食泰國野都會去九龍城食，較多選擇，但見依間鋪頭冇乜人排隊，所以入咗去試一試。裝修冇話好大特色，但環境舒適，只係冷氣有啲凍，如果入去食嘢，真係要着多件褸！呢度嘅服務員都係泰國人，我朋友叫咗個椰青飲，一開始有浸怪味，椰青啲肉係紫色嘅，應該係個椰青老得滯，之後同服務員講，佢笑容滿面，咁即刻換返個新嘅俾我哋，服務態度良好！喺尖沙咀來講，睇完個餐牌唔算太貴，同九龍城嘅差唔多，餐廳門外仲寫住有二人套餐，相當抵食！我哋首先叫咗個泰式生蝦做頭盤，然後叫咗泰式炒通菜、泰式生菜包、蛋包炒金邊粉和小食拼盤。通菜和生菜包一般，食得落肚。反而蛋包炒金邊粉尚有特色，賣相特別，食落去味道唔錯。而小食拼盤可以自己揀兩款小食，唔使食到自己一啲唔鍾意食嘅嘢最後我同朋友仲叫咗芒果糯米飯食，芒果好甜，推介推介但係總括黎講，食物唔算差，只係鋪頭裏面冷氣太凍，如果唔快啲食，啲食物會凍哂，所以如果係一邊食一邊傾計，可以考慮吓其他餐廳