辦館 (Closed)

幫襯過咁多餐廳食店，好難次次都食到好嘢，有時都會誤信食評以為得，點知中晒伏，呢間係其一。「辦館」係銅鑼灣新食廈Tower 535裡面，即係世貿隔離。環境好好，樓底高，人唔多，如果只計hea的話真係唔錯。佢提供All day breakfast、意粉、飯、小食等等，招牌菜係沙嗲安格斯牛肉撈丁，用高級牛肉包裝茶餐廳食物，都有點gimmick。佢有個算抵的茶餐，$88包牛肉撈丁（選牛肉+$5，或不加錢選其他配料，共兩種）、小食拼盤、多士、奄列、飲品（需知單點牛肉撈丁要$78）。我的組合係沙嗲牛肉+午餐肉撈丁，牛肉係切粒唔係片狀，沙嗲醬好多，但係非常鹹（連我鍾意重口味都覺鹹），牛肉又食唔出有安格斯的級數，勉強食晒，但要狂飲水。厚切午餐肉冇咩特別，配合沙嗲牛肉係鹹上加鹹。多士叫左烘底（+$2），但效果同冇烘冇分別。奄列質素都無特別之處。反而最值得一吃係小食，係沙律小多士，調味好好，口感豐富，多士香脆。另外叫左松露叉燒炒飯（$88），上枱已覺得賣相麻麻，飯粒黐埋一pat pat，雖然聞到松露香但不見蹤影。食一啖，果然飯煮得太腍身，水分太多做炒飯係唔會好食，無論材料幾好都無補於事，何況松露同叉燒都少