Vision 8

朋友生日諗住食餐好啲嘅西餐，見呢度有唔少好評，就過黎試吓。今日一行四人黎呢間餐廳，裝修其實幾舒適，燈光柔和都幾適合幾個朋友黎傾下計。但食物要慎選呀～小食同前菜都還好，但二人份的主菜價錢貴得黎又唔值個價錢。香煎蟹餅伴沙律配油醋汁🥗 $148 |都幾特別，炸皮不會太厚而且很脆，切開會見到有一條條蟹肉，入面有小小薯仔，味道好夾好好食，但個沙律就似變左做伴碟咁。20oz 美國極級肉眼扒 $588 |牛扒好大塊而且好厚，叫左五成熟，望落都燒得好靚，重牛味，但偏鞋身。西班牙海鮮飯（二人份）$358 |上碟時鐵鍋仍是熱的，我們四人分二人份量仍然覺得太多。材料豐富但唔係好新鮮，飯的口感比一般意大利飯硬身，最重要的醬汁都好奇怪，食落好鹹但又無乜其他味，好單調。雖然份量多，但味道絕對不值得這個價錢。烤紐西蘭羊仔T骨扒 $198 |呢個係全菜入面最好食的！調味好好，羊仔肉肉質香軟，而且沒有很多脂肪都非常香！不會像吃羊架食到成口都係油。