UCC Coffee Shop (Closed)

UCC 晚市最抵就係加$40有餐湯餐飲同自助沙律吧。既然只可拎一次沙律，香港人自然會發揮無限創意,想盡辦法於小小沙律兜上起一座沙律山。而餐廳提供沙律配菜選擇雖然唔多，但大部份部係細粒，仲要有薯蓉做「膠水」，有心機的話砌到高一隻碗高度應該唔難。主菜水準一般，墨魚汁魷魚飯配料偏少，漢堡扒肉質鬆散，又有意粉又額外跟飯或蒜蓉包，味道普通但填肚一流。餐廳裝修舊，張椅有漬，不過價錢合理，選擇唔少，加埋有砌沙律山玩，以服務街坊為主都可謂達標。