UCC Coffee Shop (Closed)

以前好鍾意買ucc既即溶咖啡自己係屋企沖黎飲，今次第一次去ucc既coffee shop，lunch set有好多款選擇，意粉、焗飯、意大利飯、蛋包飯等等都有，lunch加錢有得配埋一次沙律吧同飲品。1⃣️茄汁海鮮湯意粉（$104）海鮮湯意粉海鮮種類好多，有蝦、蜆、青口、魷魚圈、帶子。茄汁底酸酸甜甜咁🍅唔會太結身，食落幾開胃🤤而且意粉煮得夠彈牙👍  2⃣️沙律吧（午餐+$39）沙律吧既選擇唔算好多，有紅腰豆、菠蘿、車厘茄、青瓜、生菜、粟米、薯蓉，同埋兩款醬汁。個人最鍾意佢既薯蓉🤩薯蓉食到薯仔既質感，唔會太甜太膩😋  3⃣️ucc招牌咖啡（跟沙律吧）呢個我諗係黎呢度必飲既！係屋企沖佢地既咖啡多la，今次真係第一次去佢地實體店飲佢地既咖啡。一黎到既時候，唔落奶就咁試左先，好香咖啡味，咖啡係帶少少酸味既。加埋奶之後飲，好香好滑👍  

一句講曬，又貴又唔好食，薩莉亞都好食過佢。芒果蝦沙律個樣好dry, 沙律醬係芝麻沙律醬，唔知點解分開上，要自己撈，感覺奇怪而且味道唔夾！生菜好大片，進食不便。大蝦又乾又有雪味。Pizza普通到無野可形容，就係各種食材有各自既味道，夾硬拼埋一齊做一塊pizza, 唔好食，bye.黑松露醬鮮白菌帶子意大利燴飯，顏色唔太開胃，淡味到一個點，飯無味，似係煮左飯再撈埋黑松露醬，食得出廚師好hea，帶子細粒，仲係得三片，可能係一開三。咁都$107, 真係想問下佢點對得住價錢？

Cafe玩左成日都好累下，於是求其搵一間餐廳醫肚就算，不嬲都想試呢一間，所以拖左我朋友入去。😁疫情期間都係要探熱，同埋記得清潔對😉肚仔餓😛快點叫左個餐就算啦😆我點左個香煎三文魚扒 跟多士，跟餐個千島醬有成碗咁多😂而個沙律有三粒啫喱😂😂😂個魚膠粉偏重，硬身啲，有一球馬玲薯，餐湯係有芝士味嘅羅宋湯，暖暖的，不太熱，感覺還好👍🏻還有一杯細嘅橙汁，感覺上都知係果X先生嘅朋友仔，多冰左啲啲終於等到個主菜啦😍真係同幅圖係一模一樣，兩件大的三文魚扒+西蘭花+紅蘿蔔+茄汁意粉+三片蒜蓉多士👍🏻👍🏻👍🏻我初初食個三文魚扒果陣，第一啖咬落去，我以為我食緊青魚，暖笠笠，甜甜地，有燒汁🥰好好味。個意粉我終於知道係用茄膏整架😍少少酸，啱曬玩左一日冇咩食慾嘅我🥰而個多士新鮮咬落去真係好脆卜卜，蒜香味好足👍🏻

今日同男朋友揀左去UCC食午餐，一路覺得呢間野冇乜特別，靜係知道佢有好幾間分店，今日一入去，就聽到店員用日文講歡迎光臨，先知UCC原來係一家總部位於日本兵庫縣神戶市中央區嘅飲料食品企業，主要產品係咖啡。冇乜期待，價錢中規中矩，唔想食太膩嘅野，所以揀左個香草鮮蝦意粉，估唔到幾好食喎，橄欖油好香男朋友揀左個芝士海鮮焗飯，我覺得意粉好味啲佢好中意杯咖啡，我見住店員認真炮製㗎，係蒸餾咖啡。午餐可以加$40 salad bar + 野飲。食完差唔多兩點，都有好多人排隊呢！

早餐唔想同人迫，坐得舒服。日式早餐既UCC岩晒我，雖然餐牌選擇不多，但食物質素okay 的。尤其杯咖啡，不輪凍定熱飲都十分好味。星期六日開十點。服務員態度和藹。若果你係住戶仲有九折。

今日又去到奧海城搵食，行來行去，都係去返Ucc，因為覺得呢度坐得舒服，下午茶時間又吾太多人，可以好好享受一下悠閑的一餐😄，我們今天兩個人叫了兩份下午茶同兩份甜品。首先來個香草汁蜆肉本菇意粉（輕量），一上枱，份量超迷你，不過本菇加香草汁，好香喎，而且食落香味慢慢散出來，口中充滿了香草味道，好正👍🏻。之後來了炸雞窩夫（半份）,賣相好靚，本人超鍾意炸雞🍗，呢份炸雞，咬落好juicy,好味呀，粉漿吾會過厚，但吾係配他他漿，只係普通蛋黃醬，有D失望😞，食唒炸雞將楓糖漿放咗落窩夫🧇，美味。之後來客香芒千層酥加配Dreyers芒果雪糕，賣相好吸引，千屬酥好脆，食落吾會過硬好鬆脆，又吾會覺得滯，而且芒果好甜，賣相加味道令人好想再食多客😆。食了芒果甜品停不了口，所以再來一客甜品先夠喉，就選擇了鮮果法式多士，吾知道是否香芒千層酥太令人著迷，呢個甜品就感覺一般了，不過生果新鮮，但好似太淡味了，麻麻地。最後來兩杯下午茶餐飲，橙計加Ucc招牌咖啡☕️就是完美的一餐。（大家記得試香芒千層酥，真係好味𠺢，真心推介）

大概6:30去到，基本上直入，唔使點等位，我哋一行九人，去咗最入邊間房楚，係一張長枱，但係每兩個人就有一張透明隔板，如果係同人分享餸菜，就比較麻煩。餐廳提供小童墊高椅，但沒有安全帶的，小朋友會坐唔定，所以我哋俾小朋友坐喺梳化嗰邊，餐廳好貼心提供左小童餐具。我哋叫咗個三文魚菠菜白汁意大利粉俾小朋友食，佢哋個個都食得好開心好滋味，唔錯😋其其次就係個牛仔骨套餐，啲牛仔骨唔算太靭，幾入味，我幾鍾意，佢仲配左薯角跟餐有蒜蓉包。啲蒜蓉包勁好味勁脆，我仲另外嗌左一set!最後食完我哋叫咗個朱古力甜品，幾好味，推介俾大家食！

我們一家都好喜愛食窩夫，今次嚟到奧海城UCC Cafe，疫情令餐廳坐得梳落咗，反而覺得舒服啲，唔使同人迫。除咗食窩夫，另外仲叫咗個法式西多士，原本係食午餐變咗食甜品，叫咗個意粉變咗做前菜，後面兩個窩夫、西多士變咗主食😅🤪鮮茄海鮮大蝦意粉🍝，味道都唔錯，但係份量細咗啲，亞女自己都食咗大半🤪呂宋芒果窩夫雪糕，芒果🥭好甜，甜到有啲唔似芒果😅，阿女最鍾意食個雪糕囉🍨白色檸檬🍋西多士，芒果味唔係好重，知道細細舊一啖一件，啱晒啲懶人食😂

這家日式的西餐店，最出名的是咖啡。而我就最喜歡它家晚餐可以升級為套餐，有沙律吧，挑自己喜歡吃的蔬果。可惜疫情的關係，這次卻變成了送上來的沙律。今次我點了紅酒煮牛肉配白飯。沙律很好吃，尤其是當中的薯仔沙律，將雪糕球一樣放在沙律上， 十分別緻。紅酒煮牛肉上來的時候樣子十分吸引，用紅蘿蔔蕃茄煮成濃濃的醬汁，牛𦟌也煮得10分嫩，相信是經過很多時候的烹調。我把醬汁拌著白飯一起吃，味道十分好，再配上一口一口的牛肉，真是大滿足。餐後來一杯美味的咖啡，為此頓飯畫上了圓滿的句號。

好耐冇去食UCC，今日趁母親節就去一去。餐牌寫住「是日沙律」，突然先諗到因為疫情可能會冇咗自助沙律吧，問一問個侍應就知道係。咁好啦，就叫左個白汁蝦帶子意粉，一個黑松露帶子意大利飯，一個茄汁煙肉蘑菇意粉，兩個跟餐。沙律先到，問題係同自助攞嘅份量差太遠，但係跟餐嘅價錢都只係比平時便左1蚊($47)，仲要用3塊啫喱填位...$104嘅白汁蝦帶子意粉賣相令人沮喪，料又少又唔夠汁。黑松露帶子意大利飯啲汁更少，有啲位乾到似炒飯，真係比較難接受。至少黑松露味都夠。$90嘅茄汁煙肉蘑菇意粉相對上還好啲，意粉，汁同料嘅份量都多，ok 嘅最後叫左個$59窩夫甜品，個窩夫整得幾脆又有蛋味，配上水果，忌廉同雪糕唔錯。總括：甜品同茄汁意粉還可以，但係整體上實在太令人失望啦，如果有下次都可能只係食下午茶甜品...

抗疫！減少到人多的地方！復活節４天假期的第３天， 是個星期日，自駕到奧海城二期 Market Place by Jason入貨，逛超市前，我建議吃下午茶，家人一致同意！UCC Coffee，不用等位，量體溫後安排入座，餐桌之間保持1.5米距離，比較放心！下午茶有12款選擇，７款鹹、５款甜，定價由60--77元不等！我們點了３款鹹和１款甜：#煙三文魚薄餅多士，這個最好味！#鮮蝦蜆肉茄汁意粉，這個味道偏淡！#雜菇忌廉煙肉意粉，這個味道挺好的！#鮮果窩夫，即點即做，最後才上。#招牌咖啡，點了３杯，好味！#熱檸檬紅茶，不錯！

$63，10%service charge UCC招牌咖啡配蘋果法式多士咖啡，好飲，唔酸唔澀，先將咖啡煮好，再係你面前放落冰杯，自己再加糖加奶但，蘋果法式多士唔好食☹️我以為個西多士會有甜品，但其實只係炸左個面，冇味既，而雪糕同蘋果都得好少，唔夠配個多士黎食淨食啲多士真系好淡😟，一係淋啲糖漿上面都好丫.我仲有食佢個菠菜什菇雞肉意粉，味道都幾好，但份量好少，唔可以當正餐食但以佢價錢有野食、飲品、加埋堂食，其實係可以唔貴既

我係一個閑逸嘅中午嚟到食嘅～服務係好一般，嘢食都好一般，咖啡唔係我鍾意果一類～但好處就係依間鋪頭每一個位都好好坐，喺奧海城來講都係一個唔錯嘅選擇！但呢一個所謂嘅蛋包飯真係麻麻哋😅

我平日都好鍾意行奧海城，因為人流比較少。行咗一陣，就去左UCC坐低食個晚飯。位於ug層，店舖有點難找到。餐牌非常吸引，令人目不暇給，有好多菜都想食。因為我特別鍾意食芝士，所以就叫咗個芝士雞皇焗螺絲粉。最近沒有沙律吧了，以保持衛生。因為需要焗嘅關係，所以等左比較耐。同時，亦都叫咗一個雜莓窩夫。可以選擇大或者細，因為我非常喜愛甜品，所以就叫咗個大。雪糕設定為雲呢拿，但係都可以改為朱古力。結果係雜莓窩夫比螺絲粉更快到，賣相非常吸引，窩夫非常厚身，看上去非常鬆脆。上面加咗鮮忌廉，同一球雲呢拿雪糕，睇落香滑香甜。再加上雜莓，令到賣相更加好睇，食落酸酸甜甜，好開胃。終於等到芝士雞皇焗螺絲粉啦！好多芝士係面！超滿足，芝士迷大愛。有蘑菇伴碟，增加口感，減低油膩感。可惜雞肉沒什麼雞肉味。值得一讚的是，桌上有芝士粉，芝士粉可以隨自己口味加入芝士粉。感體來說，食物非常可口，環境舒服，坐的卡位是軟綿綿的梳化。

行行下街想搵個地方坐低補充下體力，見到呢間日式咖啡店有tea set就入去試下。呢度環境同設計同係日本見到既咖啡館都好似，係約埋朋友或者屋企人傾計既好地方叫左兩份tea set,一個係什菇忌廉煙肉意粉（輕量），一個係鮮果窩夫（半份），配UCC既招牌咖啡。什菇忌廉煙肉意粉味道整得吾錯，意粉吾會太稔有少少彈牙，什菇爽口，每一啖都會食到配料同醬汁，不過份量就因為係輕量吾會太多而半份既鮮果窩夫有兩件窩夫格餅，配合一球小小既雲尼拿雪糕，窩夫香脆有蛋味，而雪糕重奶味，夾埋粒粒鮮果一齊食吾會溜。而ucc既招牌咖啡係咖啡、奶同糖水分開上，可以自己調配適合既口味，而咖啡香濃有碳燒香味，冷熱都值得推介