花花世界. (Closed)

同friend去行朗豪坊，臨晚飯果時又怕多人，所以就行過隔離搵野食... 見到有間叫花花世界，幾特別咁，就去食啦一上到樓，就見到門口佈置得好靚，好多花，仲有花香味！！入到去，勁有feel, d歌好夾個環境！我地叫左個南瓜青口意大利飯。d飯好有咬口，有淡淡既南瓜味。仲叫左個法式嫩煎鴨胸佐玫瑰草莓醬。d鴨胸份量幾多架！仲有d配菜，撈埋d草莓醬，好好食！飲品當然叫d特別d架啦！見呢間餐廳用花做主題，我就叫左杯玫瑰鮮奶伯爵茶，未飲已經聞到好香玫瑰味，個配搭好好！！ 我朋友就叫左杯榛子牛奶，好滑！呢間餐廳比人感覺好relax! D餐具仲好靚，係好有心思！讚！