Video
Read full review
2015-05-04
2675 views
大部份酒店嘅自助餐為咗吸引食客，都會設定一啲主題，然後，晌菜式上就會出現多款主題式美饌，通常供應期大概長達兩至三個月左右。今次再臨Bistro on the Mile，同樣有搞主題，不過玩法唔一樣，喺以一星期7日唔同嘅海鮮做主題，定為「滋味海鮮自助餐七重奏」，都幾有新鮮感。大部份食物都放晒晌近入門口位置，非常吸晴，而再入啲嘅用餐區，地方闊落，而最尾一排座位可睇到彌敦道嘅繁華街景。沙律照個人慣例都喺食咗沙律先，有多款沙律菜及配料，6款預製好沙律，再加埋6款醬汁選擇；一於先嚟一碟「雜錦」沙律前菜，並淋上藍芝士沙律醬。睇見小弟碟前菜喺咪好吸引呢？確實，唔只睇得，味道仲幾得，啲沙律菜加咗藍芝士沙律醬，非常好食，清新中有份鹹香味，而串茄配水牛芝士、烤甜椒亦都好正。中湯近來食自助餐都歡喜一、兩道前菜後就飲個熱湯暖暖個胃，中湯方面，黑板之上清楚寫低晒，既有老火湯，又有燉湯，除非口味問題，識飲當然揀後者啦。淮山杞子燉乳鴿，嘩！打開蓋已經見喺不得了，半隻乳鴿絕無欺場，淮山、杞子、圓肉、瘦肉，個湯唔甜都幾難，清澈嘅燉湯，每啖都喺滋潤嘅精華。海鮮七重奏上文略略講過海鮮七重奏，點7日唔同法？原來除基本嘅凍海鮮
大部份食物都放晒晌近入門口位置，非常吸晴，而再入啲嘅用餐區，地方闊落，而最尾一排座位可睇到彌敦道嘅繁華街景。
沙律照個人慣例都喺食咗沙律先，有多款沙律菜及配料，6款預製好沙律，再加埋6款醬汁選擇；一於先嚟一碟「雜錦」沙律前菜，並淋上藍芝士沙律醬。
睇見小弟碟前菜喺咪好吸引呢？確實，唔只睇得，味道仲幾得，啲沙律菜加咗藍芝士沙律醬，非常好食，清新中有份鹹香味，而串茄配水牛芝士、烤甜椒亦都好正。
沙律
30 views
0 likes
0 comments
近來食自助餐都歡喜一、兩道前菜後就飲個熱湯暖暖個胃，中湯方面，黑板之上清楚寫低晒，既有老火湯，又有燉湯，除非口味問題，識飲當然揀後者啦。
淮山杞子燉乳鴿，嘩！打開蓋已經見喺不得了，半隻乳鴿絕無欺場，淮山、杞子、圓肉、瘦肉，個湯唔甜都幾難，清澈嘅燉湯，每啖都喺滋潤嘅精華。
淮山杞子燉乳鴿
87 views
0 likes
0 comments
上文略略講過海鮮七重奏，點7日唔同法？原來除基本嘅凍海鮮照樣有提供之外，每一日仲會挑選一款特定海鮮，做出多款精緻美食，主要喺沙律及冷盤，亦有啲熱食散佈晌唔同區域。由星期一至日，分別喺澳洲生蠔、挪威三文魚、英國蟹、加拿大帶子、美國龍蝦、越南大虎蝦、非洲鮑魚，可謂日日有特色。
依一晚就喺以加拿大帶子為主，7款菜式包括：薄荷帶子青瓜沙律、蕃茄帶子串標、帶子菠蘿沙律杯、凍帶子、帶子牛油果杯、帶子芒果杯、帶子甜椒黑醋沙律，款款都的的骰骰，無理由唔一網打盡佢哋架。廚師都盡量將帶子做出唔同嘅款式，每款都各有個性，可謂各自各精彩，個人就最鍾意薄荷帶子青瓜沙律、帶子牛油果杯及帶子芒果杯，尤其開始天氣變得熱，食起嚟更感清爽。
海鮮七重奏主題美食
29 views
0 likes
0 comments
除咗主題式嘅海鮮七重奏之外，仲有其他凍海鮮，如瀨尿蝦、甜蝦、青口、長蟹腳、生蠔，款式唔算多，但瀨尿蝦甜美，生蠔載着海水鮮味。
凍海鮮
34 views
0 likes
0 comments
新鮮即開生蠔
20 views
0 likes
0 comments
而晌沙律兩旁，一邊放有多款冷盤，配搭特別，另一邊就喺芝士拼盤同麵包籃，樣樣揀啲，再加多碗西湯，組成一份別緻嘅小食。
幾樣特色冷盤，真喺唔好錯過，不單味道不俗，而且， 配搭富心思，就好似個忌廉芝士煙三文魚墨西哥卷，口感豐富，味道鹹鮮有層次；
冷盤、芝士、麵包
14 views
0 likes
0 comments
特色冷盤
28 views
0 likes
0 comments
芝士拼盤
18 views
0 likes
0 comments
甘筍湯
13 views
0 likes
0 comments
依兩樣都喺一個自助餐不可或缺嘅類別，選擇款色跟大部分自助餐差唔唔多，都喺5、6款刺身夾多款壽司，友人就夾咗一大碟刺身（八爪魚、吞拿魚、紅立魚、三文魚、甜蝦），小弟就「喺咁二」黐兩嚿試試。附近仲有啲天婦羅，冷麵其實都想留待臨尾先食，點知都後來都無「翻貨．而錯過咗！
熱盤入門口靠左一列長枱，擺有多種類別熱食，靠相片記錄大概有以下食物（應該有漏三幾樣）：蕃茄帶子魷魚長通粉（主題菜式）、帶子青口莧菜撻（主題菜式）、蒜蓉粉絲蒸扇貝、椒鹽蝦、帶子炒西蘭花瑤柱汁、燒味、日式麵豉燒雞、煎爐魚配龍蝦汁、保雲酥焗三文魚配香檳忌廉汁、炸帶子及海鮮配橙黃醬、燒豬手、燒西冷、煙肉洋蔥炒豆角、香草蒜蓉燒新薯、泰式炒雜菜、印度雜菜咖喱、印度烤魚、燒烤美食（芝士腸、豬肉腸、迷你漢堡扒、五花腩、烤雜菜）、蟹籽鮮蝦帶子炒飯……等等。
部份熱盤
22 views
0 likes
0 comments
部份熱盤
15 views
0 likes
0 comments
熱盤
64 views
0 likes
0 comments
甜品集中晒晌食物區中間，一張環形食物枱，包括多款的骰小杯裝慕絲、啫喱，仲有細細件嘅個裝甜點，反而大個裝嘅蛋糕較少，其實擺就擺兩個出嚟，但不斷轉款，因為我一起手影相時嘅款式跟我最後拎返嚟嘅已經唔同款；糖果呀、杯裝Haagen Dazs雪糕呀、朱古力噴泉呀亦唔少得，加埋一櫃新鮮水果。
最得意喺有一個餅櫃，裡面特別放設十多碟甜品拼盤，每一碟都以兩、三款小杯裝或細件裝甜點作組合，再加少少生果裝飾，睇起嚟賣相上變得加唔少分。
今日狀態普通，一碟7款甜點已夠晒皮，當中有士多啤梨卷蛋、綠茶泡芙、西梅批、士多啤梨慕絲餅、檸檬撻、士多啤梨慕絲杯及意大利芝士餅，唔嘥時間個別咁評，但整體都好好食，尤其個西梅批，酸酸甜甜，份外滋味。不過，食埋依轉甜品，真喺飽到十足，雪糕就放棄咗喇。
甜品拼盤
17 views
0 likes
0 comments
因為喺全自助，所以飲多幾杯都無人理你，意大利泡沫咖啡、鮮奶咖啡、檸茶檸水、花茶……隨心所欲。
不過，唔介意使多少少，餐廳提供飲品套餐，每位都只喺$38，兩小時內任飲果汁、汽水、啤餐、餐酒。未必人人都鍾意飲酒，強烈推介飲果汁，前後飲咗3杯，因為喺鮮榨果汁，無論西柚汁定西瓜汁，飲到絲絲果肉纖維，味道非常天然。
飲品套餐
33 views
0 likes
0 comments
由於餐廳有做宵夜自助餐，所以，自助晚餐6:00pm開始至9:15pm結束，故此，要有啲心理準備完咗自助晚餐時段唔方便坐太耐。據店員講，其實宵夜自助餐好抵食，因為喺自助晚餐嘅一半價錢，但食物種類卻跟自助晚餐差唔多。當然，慶祝母親節請媽咪食餐豪嘅無理由食宵夜自助餐架，一於俾多少少請佢食番餐啦！
Other Info. :
早輪睇見啲飲食雜誌介紹，原來為慶祝母親節，5月9、10日特設兒童樂園，有扭扭波，又有手工藝創作班，以及精彩兒童電視節目，帶小朋友嘅媽咪可以安心嘆一餐。此外，母親節當日光顧嘅媽媽都有豐富禮品，包括：Glycel Beauty嘅美肌體驗裝禮盒及Face-HK嘅家庭攝影禮劵，真正嘅又食又拎。
(The above review is the personal opinion of a user which does not represent OpenRice's point of view.)
Post
