丼造

Open Now

Now Closed

餐廳：丼造地點：上環禧利街菜式：丼飯餐牌：是日之選，火炙之選，和風丼，刺身丼，特選壽司，特選刺身盛，壽司，手卷，卷物，串燒，燒物，小食，沙律等。飯用大大個紙盒裝好，賣相不馬虎。七色魚生丼 $168七色魚生包括連頭連殼大蝦一隻、帆立貝一隻、赤身一件、油甘魚一件、三文魚一件、左口魚裙邊、印有餐廳名既玉子一件、同海膽。特別值得一提係連頭連殼大蝦非常鮮甜粘口；帆立貝大大隻，新鮮肉厚；海膽又滑溜又鮮味。飯底味道口感都唔錯，酸度同濕潤度都夠，份量好足，面頭加上少少紫菜絲，加添味道。伴有酸薑。丼造牛 $98丼造牛即係牛肉飯，伴有溫泉玉子一隻同紫菜絲、京蔥加蘿蔔片。牛肉片有好幾片，味道唔錯，溫泉玉子撈飯好正！盒飯返到屋企都係暖既。而家送前菜同汽水。前菜係中華沙律。汽水係罐裝汽水。總括而言，兩盒飯質素唔錯，魚生質素不俗，材料豐富，包裝衛生，配有獨立包裝日式芥末同豉油。