夢の丼 (Closed)

係堅城泳池游完水，特別肚餓，已經好想快D可以食一餐日本丼飯，始終好耐冇去日本了，只好食住日本野去感受下日本既味道。這裡既日本丼飯，住堅城既朋友都有介紹過。而且size仲可以揀,可以選擇係正常size，還是迷你版。如果唔太餓，或者想叫多幾款試不同味道，迷你版都可以係一個選擇。如果你鐘意食熟食，這裡都有好多唔同既熟食套餐今日叫了唔同既刺身，還有小食。見到是日推介，有一款雪白蠔，立即試一試。蠔海水味都重，本身帶有咸味，都係肥美既蠔，配有飛魚子，味道幾夾。另外底下有少少汁，味道都幾夾。第二款小食-蟹黃醬蟹膏豆腐豆腐並唔係採用凍豆腐，用有煎過既豆腐，蟹膏份量好多，而且味道好出，加上用煎過既豆腐，熱辣辣，反而可能比用凍豆腐更好，這個值得推介。另一份小食，機燒帆立貝上邊係有一層海膽，超鮮味。帆立貝個心，仍然係好軟，好鮮味的，完全唔會有任何乾既感覺。配海膽既味道一流。右口魚邊壽司左口魚食得多，右口魚未食過，魚既油份好夠，好味道，而且輕輕燒過既，味道好出。丼飯出場，炎之丼Size係正常size, 每份丼飯都配有湯同沙律，炎之丼，揀佢係因為鐘意灸燒過既味道，上面有三文魚，帶子，甜蝦，左口魚，等等，灸燒過，