平昌

Open Now

Now Closed

終於黎到拜訪平昌！想食韓燒好耐了！！我地揀咗個世子御膳，星期一至四食120分鐘，加一後價錢$350, 都算合理～有齊牛豬雞同海鮮，我地就主打牛肉！趁男友人燒緊肉，先食碗水冷麵，麵條好煙韌，個湯汁酸酸甜甜，食親韓國野一定要食返碗先安落。叫咗各式各樣嘅牛肉，講真食完真係唔記得自己食咗邊款，總之全部都好新鮮好食！睇相都feel 到。牛前胸腹肉有大量油脂，但入口又唔會好油～牛舌係必食，夠薄易入口！T 骨牛扒同ribeye 都可以試，超大塊，好考燒嗰個人嘅技術！韓式料理都有好多款揀，我地仲試咗牛骨湯，紫菜飯，炸粉絲卷等等，仲有供應醬油蟹，都幾抵食！