平昌

Open Now

Now Closed

曾幾何時在旺角食過一次平昌韓燒，今次search返見到樂富有間新分店，裝潢風格、食物質素均一樣，但就新淨少少，同無咁多人，記憶中旺角店都係爆曬棚好好生意。由於最高一級嘅「國王御膳」價錢相差太遠，所以揀選左中間嘅「世子御膳」，但其實食物選擇已經非常豐富，每樣食少少已經好飽。有無限任食爐邊蛋，仲可自行加入泡菜，味道更香更惹味！炸物整體黎講幾酥香美味，炸一口芝士脆香得黎好cheesy；吉列大蝦同樣香酥好食。牛肉款式都算豐富，有LA牛排、牛肋骨肉、牛前胸腹肉、T骨、肉眼、西冷、牛舌等等：西冷就會原塊上，自己剪，其脂肪較少，肉味較重，但無咩油香；相反肉眼脂肪較多，油香豐富，肉質亦較滑嫩；另外厚切嘅「西班牙捲狀豬腹肉」大大件，油香及豚肉味並重。T骨脂肪較多，肉質幾鮮嫩，肉味適中；牛肋骨肉亦夠軟腍。雞腎無雪味，自己燒都可以燒到爽滑彈牙及多汁！雞軟骨都正，大大粒，連住適量嘅雞肉，唔係細細粒得舊骨果種，同樣脆香惹味，食到停唔到口！

位於樂富廣場三樓，地鐵站一出輕輕鬆鬆易到，門口望入口已經有浸韓國味走出黎，入到去又幾骨子ＷＯ，如果去過韓國自然知道佢有用心Copy返韓國當地店舖裝修過黎香港微調，坐得舒服，櫈亦係儲物箱，講返啲食物，佢有分開散嗌或者放題，難得黎到唔想諗就試下放題啦，同朋友兩個叫左大君餐，海鮮類、豬牛雞都齊備，食物質素仲要有返咁上下，陣間再重點講下邊啲係大力推介食物先，野飲佢都有唔同選擇，喜歡無糖既飲烏龍茶，有糖既就係邪惡可樂或者忌廉鮮奶等等*順帶一提，韓燒係三五知己聚餐好地方，大家收工黎燒下燒下吹下水咁又一晚大力推介食物牛舌 - 大大塊上台已經開心，厚度適中，係爐度灼熟一面到一面，唔沾醬汁都一樣富有牛味同質感，我自己就嗌完再嗌係咁食喇LA牛扒 - 初頭對牛扒冇咩期望，上到枱都唔會話好期待咁，燒完出黎入口，WOW，Yummy！！！燒到外脆內煙韌果個口感係精彩既，而啖啖肉既感受繼續令人開心水冷麵 - 第一次食，以為佢好似日本冷麵咁但又唔似，清淡又有味，麵感爽口彈牙，個人絕對推薦青口＆扇貝 — 海鮮永遠都係冇得輸既只要保存得好，簡單烤熟，伴上檸檬汁就可以入口鯖魚 - 我一個人食左兩大舊，食得豬牛雞肉多，不彷嗌

呢日黎到樂富平昌, 呢間平昌係食韓燒既~ 我因為早黎到, book 左枱入到黎都唔算多人, 但到19:30 左右就開始人多~ 我地揀左要世子set 野飲係出面自己拎, 有水有氣水有茶, 任君選擇! 世子SET可以食埋大君SET入面既野食, 世子SET多左D 靚D 既牛肉同豬, 另外仲有醬油蝦可以叫, 同埋仲多D 海鮮可以叫下~ 我地都有叫到蠔黎食, 店員教我地反轉隻蠔蓋住黎燒, 效果真係唔錯, D 蠔都好快熟同埋夠大隻! 叫店員換網佢地都好好, 好快手! 另外有D 鍋物就係大君SET都叫得, 我地忍唔住叫左辛辣麵黎食, 係屋企真係煮唔到呢個水準同口感, 好高質! 呢度仲有生菜同前菜任食, 想要REFILL乜都可以同店員講, 泡菜都夠哂味道!我都食左好多碟! 另外佢想牛同豬都好味, 食到好香既牛同豬味,又唔會係一燒就爛哂個D, 仲係好完整好香!呢餐真係大滿足!

旺角平昌開業多年屢次榮獲「優秀開飯熱店大賞」，早前在樂富廣場開設分店，環境簇新寬敞，裝潢亦充滿韓國燒肉店風格。每位成人由$228起可任食120分鐘，三款套餐分別為「大君御膳」、「世子御膳」及「國王御膳」，當日所選之「世子御膳」每位收費$318，星期五至日、公眾假期及其前夕則貴$20。自助區有各款罐裝飲品。爐邊烤蛋絕對是韓式燒烤的標誌之一，可以自由加入泡菜等其他配料。牛前胸腹肉、T骨牛排、牛肉眼、調味牛舌、香草五花肉、豬皮、護心肉、豬肋骨、豬頸肉、芝士腸等肉類配料款式繁多。另外亦有雞軟骨串、雞腎串、雞肉串等串燒。海鮮方面有半殼石蠔、帶子、油蛤、半殼扇貝、虎蝦、魷魚等，當中特別推薦蝴蝶蝦伴他他醬。醬油鵪鶉蛋、海鮮蔥餅、炒年糕、無骨原味炸雞、辣海鮮豆腐湯、石鍋拌飯、水冷麵、炸紫菜粉絲卷等以至於醬油蝦及醬油蟹韓式料理亦可任食。吉列炸蝦、炸忌廉蟹肉薯餅、脆炸一口芝士、八爪魚刺身沙律、涼拌海青菜等小食和前菜都一應俱全。

上次喺「平昌」位於旺角嘅總店食韓燒體驗好好，一直都好想再返去食。咁啱知道原來佢地喺樂富廣場開左新嘅分店，位置更加方便我女朋友屋企，就一於去試下！餐廳location就喺樂富廣場A區，地鐵站出黎就係，所以非常方便。呢度嘅裝修樸實，但坐得都幾舒服而且，油煙味唔會好重。同旺角總店一樣，呢度都係食燒烤放題嘅。今次我地選左「大君」menu，食物種類都唔少，除左好幾款嘅肉類同海鮮之外，都有啲韓式熟食！肉類方面，我覺得調味烤牛肉、LA牛排、同埋牛舌最正，因為呢幾款牛肉嘅牛味十足！海鮮方面，扇貝同埋虎蝦都幾大隻幾新鮮，絕對係回本之選！熟食方面，海鮮豆腐湯好足料，所以非常鮮甜！至於炸蝦就好香好脆，而且大大隻！叫埋碗辛辣麵就最正！另外值得一讚係呢度嘅飲品大部分都係韓國進口嘅，當中連氣泡水同蒸餾水居然都係韓國牌子，即刻覺得好高級！總結：樂富平昌食物、環境、地段都好唔錯，值得推薦！

當日係平日夜晚時間去到，未算坐到好滿，雖然店員廣東話麻麻地🙈但係都好有心機去招呼套餐選擇無論燒肉定係熟食都唔少，比較推薦嘅有：🥩肉眼扒 - 如果可以解凍得徹底少少會好啲😗我哋嗰日都攤咗一陣先燒到，雖然冇經過醃製但係肉質都唔錯，食到肉嘅原味😃🐮牛舌 - 呢度嘅牛舌比較薄切，但仍然保持到爽脆嘅口感，加埋檸檬汁好解膩好夾炸芝士 - 嗰日唔係揀咗好多炸物，芝士炸到啱啱好，有流心效果✨另外側邊嘅蛋漿都幾好食，有別於其他餐廳會加埋粟米同埋芝士，呢個純粹嘅蛋漿相對冇咁膩，配搭埋餐廳嘅醬油味道啱啱好值得一提，呢度飲品選擇都唔少，仲有好多韓式嘅飲品選擇😆

任食韓式燒肉, 仲有多款韓國料理, HK$318 加一就試試佢!LA 牛排、牛舌⭐️、牛前胸腹肉、西冷⭐️、牛肋骨肉、調味烤牛肉、豬五花腩、香草雞柳、虎蝦⭐️、調味鰻魚⭐️叫左上面食啲肉類, 總體肉冇雪味, 亦冇雪過龍情況, 肉味正常😋肉大大件上, 唔會碎濕濕🤏🏻雖然任食可以無限叫, 但碎濕濕燒完唔會好食, 依間燒肉完全冇依個問題💪🏻北寄背沙律🥗沙律汁夠清新🌱醬油蟹鹹度適中, 蟹肉扎實🦀肥牛大醬湯, 食燒肉有個熱湯飲, 一定係最舒服🕶️紫菜飯👉🏻韓式紫菜加少量麻油味, 配燒肉食好夾🤟🏻水冷麵👉🏻韓國人食完燒肉會食個水冷麵. 可以解走唔少燒烤味!飲品雪櫃自己拎, 有汽水、茶、韓國飲品咁啦👅但有個柑汁自己第一次飲, 好鬼好飲, 可能濟州柑出名, 味超真又唔會太甜, 嚟食一定要飲多兩罐!!小總結, 平日去到見佢幾爆場, 個商場唔算多人, 食完明點解, 性價比唔錯, 肉質素依個價位高, 食物種類多!°°°°°°°°°°°°°°°°°°°°°°°°°°°°°°平昌📍 樂富聯合道198號樂富廣場A區3樓3104號舖#MrsLong #hk #Longs #influencer #香港美食 #餐廳推介 #hk

樂富平昌 感覺比旺角分店還要新韓燒環境擺設 餐桌保留韓國街頭風設計 整個環境及氣氛係真韓國風情三種套餐 肉類、海鮮、前菜、炸物和傳統韓式料理等大君御膳（任食 50 款食材） 世子御膳（任食 89 款食材） 國王御膳（任食 100 款食材）今日同朋友食 世子 都覺得好夠食T骨牛扒 西冷牛扒 肉眼扒 豚肉 韓國牛肉湯 人蔘湯北寄貝沙律 石蠔 蝴蝶蝦 醬油蟹 醬油蝦 任性地食左勁多 個抽風系統都吸得幾好 食到咁上下可以提出換爐全部都係圓枱設計 每張枱各有一個抽管 盡量減少煙味呢種style韓燒食得更加過癮

平昌烤肉係一間由韓國oppa主理坐鎮嘅韓式燒肉店，店內設有大量圓枱同排氣管，好坐得黎食完又唔會有味！佢地燒肉質素好，選擇多，仲有醬油蟹、牛骨湯、韓國大大隻餃子食，好似直接去咗韓國咁👌🏻🇰🇷🤤：-1️⃣「套餐-韓牛肉眼🍖🥩($688)」飾物包括 Han Woo Rib Eye Set include：-🔸「韓牛肉眼(150g) 」超級肥美，同韓國食到嗰啲一樣！嫩滑juicy但有冇日本和牛咁肥膩🔥~ Han Woo Rib Eye 👍🏻-🔸「調味牛舌」係呀煎下就好快熟！好爽口！~Beef tongue -🔸「醬油蟹」用嚟撈飯好香！個飯仲有麻油同紫菜香味~Korean crab roe with rice -🔸「牛排骨湯」呢個睇落去完全唔 打卡able,但係佢最驚艷🫨，湯底鮮甜，超多件牛仔骨，送飯一流～Beef ribs broth with rice👍🏻-🔸「韓式炒粉絲」超級煙靭有彈性！好香麻油香味，早知叫大兜d!!!~Stir-fries glass noodles👍🏻-🔸「鮑魚」Abalone🔸「茄子和杏鮑菇」 Veggies-2️⃣「豬肉餃子(4 pcs)($68)🥟」好掛住好掛住韓國大大隻

近日樂富廣場多間食肆都唔續租，真係開始無咩好野食了。而呢間韓燒店本身只提供燒烤set，對想食午餐都有卻步，不過最近佢地出左午餐set，今次黎食下先～QR code 自己落單～生牛肉拌飯 $78 配海帶湯我叫左拌飯，最早點餐最早到，朋友叫左其他拌飯上菜比較遲，配菜幾多，拌飯整體唔算乾。朋友們各自叫左以下：肥牛大醬湯配飯 $68辣海鮮豆腐 $68板腱肉拌飯 $98豬肉拌飯 $78而每個午餐set 都自助配一枝飲品，可以去大雪櫃攞，飲品款式都有9-10款。

平昌韓燒真係一間好正既韓國燒烤店！佢唔止可以散叫，仲有任食嘅套餐可以揀。今次我揀咗佢哋嘅世子御膳套餐，係Set B，可以任食120分鐘。我覺得呢個套餐中間level嘅選擇最多，性價比好高！入到去，環境好似真係去到韓國咁，氣氛好好。而且服務員都好友善，即刻幫我哋安排座位同介紹套餐內容。最吸引我的係佢哋特色嘅牛前胸腹肉、T骨牛扒、牛眼肉、香草牛五花同帶子。個個肉質鮮嫩，入口即溶，好多汁。牛前胸腹肉燒烤過程中帶出嘅香氣令人垂涎欲滴，而T骨牛扒嘅豐腴肉質更加令我驚艷。牛眼肉嘅嫩滑口感同帶子嘅鮮甜都好正。另外，佢哋仲有油蛤同石蠔，新鮮度一流，鮮味十足。除咗肉類同海鮮，仲有其他配菜同小食可以揀。佢哋嘅配菜豐富多樣，令我可以搭配不同嘅味道同食法。湯底鮮甜濃郁，加埋肉類同配菜入面，味道更加豐富。最後，我要提返佢哋嘅服務。服務員好細心，隨時幫我哋更換鐵網，確保我哋可以一直享受新鮮燒烤。佢哋仲會提供湯底同配菜，服務一流。總括而言，平昌韓燒係一間物超所值嘅韓國燒烤店。佢哋嘅世子御膳套餐Set B豐富多款，特色肉類同海鮮令人垂涎欲滴。環境好似真係去到韓國，服務一流。如果你鍾意韓國燒烤，呢間絕對係一個值得嚟試嘅

樂富呢間平昌燒肉店裝修新淨，座位舒適。揀咗世子餐，嗌咗好多唔同海鮮同肉類。海鮮試咗好多款，有帶子、大蜆、石蠔、蝴蝶蝦、魷魚等等。肉類都試咗好多款，有牛肋肉、牛仔骨、豬大腸、豬頸肉等等。特別推介世子呢個醬油蝦，醃料好香，蝦肉燒完之後，十分爽脆，ncall 左好多次。除此之外，雞腎都好彈牙，有肉汁、雞軟骨燒完脆卜卜。水冷麵值得好推介，麵質煙煙韌韌，湯底好清新，配埋青瓜絲、蛋絲同埋蕃茄仔，非常醒胃，自己一個食咗成碗。辣豆腐海鮮湯，都好多配料，好有海鮮味，入邊有蟹、蝦、蜆、金菇、蛋等等，味道濃郁。

⭐️世子御膳 成人 $338揀呢個套餐主要係因為可以任食醬油蟹同醬油蝦！食物種類豐富，大量牛肉款式！特別嘅有T骨、肉眼、西冷都會原塊上，而且有厚切嘅西班牙捲狀豬腹肉，肉質彈牙！比較鍾意原塊肉類，再係自己燒嘅時候剪細，感覺肉質都會比較好！牛肋骨肉就軟腍，充滿油香！醬油蟹一啲都唔會腥，不過少少可惜嘅就係冇乜蟹膏。炸物嘅話幾鍾意一口炸芝士，外脆鹹香有少少拉絲。仲有好多海鮮熟食款式的韓國料理，等大胃王挑戰全餐牌！

這日我們來到了樂富商場裏邊嘅韓燒-平昌😊店內有韓國色彩繽紛嘅壁畫😊感覺都幾得意，新潮☀️呢日我哋六點之前就嚟到咗，六點幾之後就越嚟越多人坐低先拎個嘢飲，飲品選擇好多，我哋主要都係飲韓國忌廉溝鮮奶、韓國烏龍茶同埋韓國檸檬茶😊水冷麵我哋先嚟一個水冷麵，佢調味方面不錯，青瓜絲爽脆半殼石蠔 他他醬蝴蝶蝦半殼石蠔 -要掌握時間燒到得啱啱有少少汁就最好味他他醬蝴蝶蝦-個口味都幾創新，他他醬喺彈牙嘅蝦上邊，不錯醬油蟹 醬油蝦入味，蝦肉都爽口，蟹都幾好，咸咸鮮鮮帶子有鮮味，甜甜的。不過我哋技巧唔好煎得唔靚香草五花肉肉味香濃，油脂感覺足夠，加埋泡菜芽菜用生菜包住嚟食會感覺比較清新爐邊蛋本身嘅調味都幾好，蛋香味足夠牛扒夠香牛味，不錯牛肉石頭鍋飯牛肉同埋配料混合一齊食好好味！仲有飯焦，都幾出色😊小吃紫薯勁香甜！軟綿綿，好味炸芝士炸得啱啱好，外皮香脆，芝士味香濃忌廉薯餅薯餅中有幼滑忌廉醬，口感同味道都唔錯吉列蝦外面香脆，裏面隻蝦都算係爽口韓式炸雞有微微嘅辣味，酸酸甜甜，無骨，啖啖肉雞串典型嘅甜甜雞肉味道😊韓式紫菜粉絲卷甜甜地嘅粉先釀咗入裏邊，好有韓國風味泡菜芽菜呢兩個小食都係我哋食韓燒嘅時候十分重要嘅成員！同燒

里度有韓燒，唔洗特登去旺角食啦！！6點入到去唔算好多人，食到7點左右就開始多人啦😆有一家人，有姊妹淘都啱哂！！入面有好多K pop貼紙係牆，好正！好似係韓國咁呀！！！而加係掃QR code 點野食，好方便！而且好少漏單問題咼👍🏼野食好快送到，有得食！！有牛肉，雞肉，豬肉，海鮮，蔬果！好多種類😚最開心係好多熟食呀！！！！！有韓國小食，主食，有湯！可以食住燒，唔怕餓親😆仲有鍋邊蛋添呢！！！不過要早小小食，太耐會lone咗乾咗，會唔好食😆最愛食物❤️牛肉: 調味烤牛肉，肥牛因為好快熟，好快有得食😆而且好多油煎哂，唔算好肥！雞肉:雞軟骨，雞腎烤到焦焦地，好好味呀😍燒完再點蒜鹽好Korean style😍豬肉:豬腩片厚切好麻煩，太厚😆反而薄薄地燒上去好方便！唔會好騷好味呀！！海鮮:扇貝，鰻魚鰻魚基本上都係燒一燒就食得，好正👍🏼扇貝好大隻唔會腥！！仲要好多飲品，有怕肥之選o kcal 嘅青檸梳打水😚又有得爽又唔怕肥！！