Lamlam脷 (Moved) New Location

暑假時興起一股千層蛋糕熱，紛紛上哂報呢個月賺六萬，果個悠閒開舖不愁生意。咁啱lamlamli喺公司附近，好幾次午飯時間走去想買一兩件試下都碰釘講緊係佢一點開門，真係日日12點幾已經有人好神心咁排隊等？誇張到咁嘅程度，仲要鬥快排真係唔好搞我喇，上網訂算啦所以八月尾訂，等足一個月。抹茶流心千層 $190 切左刀先記得影切落感覺好厚實，feel到一層cream一層皮堆砌而成果種實淨嘅感覺。190$係大個d嘅，既然等一個月，心諗不如買大個d嘛流心嘅部分剛好佔蛋糕嘅前端。蓋面嘅宇治抹茶粉好香好甘，食得出係靚嘅抹茶粉呀。個人比較鍾意有流心嘅部分，始終crepe cake對於我黎講真係太多cream食到一半已經有d飽膩啦。欣賞店主嘅心機堅持同努力，希望你多返少少笑容啦。