滬江飯店

Open Now

Now Closed

姨媽同我慶生，因朝早去training，揀咗就近嘅滬江。個人蠻愛上海菜，但已好幾年冇去過呢度，是次用餐反映滬江質素仍然有保證！5個人叫咗4人午市套餐，加咗4款小食：醉豬手滿有酒香又腍又入味(太好味叫咗兩次)；蘿白絲酥餅即炸起唔油，個底有芝麻粒增加香味；芝麻大餅又係熱辣辣勁多芝麻；雪菜毛豆百頁清清地好多毛豆；糖醋排骨基本上係肉冇骨的，炸皮唔厚，好腍唔嚡，個味酸甜的不錯；炒拉麵略油但真係好惹味；臭豆腐係我的最愛－外皮脆裡面軟夠燙口而且滿有鹹香；粟米羹普通芡唔太杰身；桂花酒釀丸子略甜；甘蔗水唔太甜幾好。