Video
Read full review
2014-01-20
983 views
以前曾經係樓下舊鋪嘅常客, 愛其座位舒適, 環境都算清靜, 傾偈談心確係不錯嘅選擇… 可惜, 搬咗舖之後, 餐廳細咗好多, 而且有機會要坐外面電梯底… 實在有大不如前之感, 所以一直都冇再幫襯…今日心血來潮想重温昔日嘅味道, 代價就係要罰企個半鐘… 其實都唔算好過份, 因為呢個商場人流過盛, 基本上間間餐廳都係要咁等… 我哋有幸被安排坐電梯底… 感覺真係有點怪怪… 喺人來人往嘅商場, 好多人都向我哋行注目禮…好喇! 入返正題, 我哋總共點咗四個主菜:主菜一: 茄汁海鮮意大利燴飯 -- Yummy! 茄汁味香濃, 啲汁充份哋包住每一口飯, 但又冇水流流嘅感覺! 海鮮雖然唔係新鮮貨, 但勝在數量都算多, 都係物有所值嘅~主菜二: 煙肉香腸薄餅 -- 勝在煙肉同香腸嘅份量夠多, 而且餅底夠薄! 喺咁多餡料嘅情況下, 老實講, 都幾難唔好食 ^^ 主菜三: 芝士焗雞肉飯 (白汁) -- 呢個有點怪怪哋… 因為個飯喺咖喱飯, 並唔係炒飯… 咖喱飯配上芝士白汁, 雖不至難食, 但就真係怪怪哋囉…!!主菜四: 魷魚本菇意粉 (墨魚汁) -- Yummy again! 墨魚汁好香濃, 又有好多墨魚 &
今日心血來潮想重温昔日嘅味道, 代價就係要罰企個半鐘… 其實都唔算好過份, 因為呢個商場人流過盛, 基本上間間餐廳都係要咁等… 我哋有幸被安排坐電梯底… 感覺真係有點怪怪… 喺人來人往嘅商場, 好多人都向我哋行注目禮…
好喇! 入返正題, 我哋總共點咗四個主菜:
主菜一: 茄汁海鮮意大利燴飯 -- Yummy! 茄汁味香濃, 啲汁充份哋包住每一口飯, 但又冇水流流嘅感覺! 海鮮雖然唔係新鮮貨, 但勝在數量都算多, 都係物有所值嘅~
主菜二: 煙肉香腸薄餅 -- 勝在煙肉同香腸嘅份量夠多, 而且餅底夠薄! 喺咁多餡料嘅情況下, 老實講, 都幾難唔好食 ^^
主菜三: 芝士焗雞肉飯 (白汁) -- 呢個有點怪怪哋… 因為個飯喺咖喱飯, 並唔係炒飯… 咖喱飯配上芝士白汁, 雖不至難食, 但就真係怪怪哋囉…!!
主菜四: 魷魚本菇意粉 (墨魚汁) -- Yummy again! 墨魚汁好香濃, 又有好多墨魚 & 菇菇, 意粉嘅硬度適中同埋又係每一口意粉都俾啲汁包住… 實在係太美味喇!!
總括而言, 食物嘅質素冇變, 係地點變咗… 如果唔需要排咁耐隊, 我一定會多多光臨!!Post
