Video
Read full review
2023-10-12
776 views
好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗原來自己已經有好多年冇去重慶大廈食印度咖哩，冇特別做 research 食邊間，決定邊間第一個 approach 我就食邊間！一行到去門口附近就係呢一間嘅 staff approach 我，跟住佢行一層樓梯就到！因為未夠7點，餐廳入面未算好多人，環境感覺舒服，7點半後就開始多人呢～🍴乳酪脆米球 Dahi Poori（$75）呢個係我八卦想試，開頭仲以為係熱嘅，原來係凍嘅！上面有一粒石榴同埋脆粒，外面好脆，入面係爆漿乳酪，仲有薯仔同鷹嘴豆泥，口感好得意，後勁有辣味出嚟，一啖有齊甜酸辣，有趣得嚟開胃又好味！🍴混合肉燒烤拼盤 Tandoori Platter（$178）拼盤有印度燒雞、免治羊肉卷、烤魚塊、乳酪腰果汁燒雞，用鐵板上檯，非常熱辣辣！印度燒雞好惹味，免治羊肉卷辣得好過癮，乳酪腰果汁燒雞香料味好突出，有D 香料茶 feel，呢個拼盤啱晒樣樣都想試吓嘅我！🍴咖哩羊肉 Lamb Curry（$108）咖哩味香帶少少辣，羊肉煮到好腍，個汁用烤餅食一流，開頭以為會浪費D汁，後尾差D 俾我哋食晒😂🍴蒜蓉烤餅 Garlic Naan（$28）有三
回頭指數 ⭐️⭐️⭐️⭐️
開心指數🤗🤗🤗🤗
原來自己已經有好多年冇去重慶大廈食印度咖哩，冇特別做 research 食邊間，決定邊間第一個 approach 我就食邊間！
一行到去門口附近就係呢一間嘅 staff approach 我，跟住佢行一層樓梯就到！因為未夠7點，餐廳入面未算好多人，環境感覺舒服，7點半後就開始多人呢～
🍴乳酪脆米球 Dahi Poori（$75）
呢個係我八卦想試，開頭仲以為係熱嘅，原來係凍嘅！上面有一粒石榴同埋脆粒，外面好脆，入面係爆漿乳酪，仲有薯仔同鷹嘴豆泥，口感好得意，後勁有辣味出嚟，一啖有齊甜酸辣，有趣得嚟開胃又好味！
乳酪脆米球
$75
16 views
0 likes
0 comments
🍴混合肉燒烤拼盤 Tandoori Platter（$178）
拼盤有印度燒雞、免治羊肉卷、烤魚塊、乳酪腰果汁燒雞，用鐵板上檯，非常熱辣辣！印度燒雞好惹味，免治羊肉卷辣得好過癮，乳酪腰果汁燒雞香料味好突出，有D 香料茶 feel，呢個拼盤啱晒樣樣都想試吓嘅我！
混合肉燒烤拼盤
$178
13 views
0 likes
0 comments
🍴咖哩羊肉 Lamb Curry（$108）
咖哩味香帶少少辣，羊肉煮到好腍，個汁用烤餅食一流，開頭以為會浪費D汁，後尾差D 俾我哋食晒😂
咖哩羊肉
$108
9 views
0 likes
0 comments
🍴蒜蓉烤餅 Garlic Naan（$28）
有三件大大件，好香蒜味，表面少少脆身，入面鬆軟煙韌，好味！
蒜蓉烤餅
$28
27 views
1 likes
0 comments
🍴芒果奶昔 Mango Lassi（$38）
每次食印度嘢都必點，酸酸甜甜更開胃，就可以食更多嘢😁
芒果奶昔
$38
18 views
0 likes
0 comments
🍴印度奶茶 Indian Tea（$25）
每間餐廳都有自己獨特配方，店員攞住個壺響你面前倒，奶茶好滑，香料味唔錯，好飲～
印度奶茶
$25
7 views
0 likes
0 comments
食緊飯時，聽到隔離檯個客人講佢因為 Error 食過所以帶朋友嚟，哈哈，其實我都冇睇過，食完出門口先見到！整體上食物質素好，令我重拾返久違咗嘅印度風味，環境舒服，店員態度同服務都好好，食得好開心！如果大家去重慶大廈唔知揀邊間食，可以試吓呢間！☆My IG @tracyloveliving ☆
Post
