譚仔三哥米線 (Go Go Mall)

Open Now

Now Closed

今日放早，就約老公去卓爾居嘅樓上買吓零食同埋藥材，買完就去新墟揾食，咁啱經過呢個商場，就上去揾食喇，一上到去真係嚇親，商場一樓大部份地方裝修，圍晒木板， 好黑，無乜燈光，見三哥舖内都有半成人，又光猛，所以都入去食。 真係好耐冇食三哥啦， 以前拍拖嘅時候成日都會喺旺角食， 現在結咗婚就好少再成日行街所以好小食， 同埋唔係周圍都有三哥。我叫了竹笙加酸菜米線麻辣十小，老公喉嚨唔舒服叫了蕃茄湯腩肉墨丸米線，味道如初，麻辣真係好麻好辣好正！竹笙好爽吸晒麻辣湯，酸菜都好好食，不會太酸，味道剛好。