橋田臺灣牛肉麵 (Closed)

最近不停食外賣，食到唔知食乜好，於是喺openrice揀外賣，顯示第二間就係呢間，反正都係試新嘢，唔使再諗，就呢間啦。外賣湯米粉，湯另上係必然。有兩件牛筋，有兩至三件牛腩(視乎大小)上面有冬菜同蔥，啲熱湯倒落去嘅時間即時將啲香味撞出唻，外賣都可以變成即場食嘅效果。牛筋牛腩好入味，腍得唻有咬口，絕對唔係爛溶溶，有水準。近年多數係食米線，好耐都冇食過幼米粉，好爽口，米粉吸到湯嘅味但冇發脹，啲湯亦冇乜少到。喺食咗成個月外賣唻講，呢餐都算有驚喜。包一杯凍綠茶。