Video
Read full review
2011-07-15
8 views
近年同家人因某Ｄ節日而出街食飯唔係去食泰菜就係去樓下商場食就算喇，好耐都冇食意粉屋喇！今年母親節飯本來約好１９３０係樓下食嘅，點知當日上午又收到媽咪電話話哥哥想去意粉屋食喎，所以就改咗去新城市意粉屋等啦，不過我都心知不妙了..只因平時我星期六Tea Time時都見到好多人等位，而家要食Dinner添....都唔知要等幾耐喇。我收工後好準時１９３０就去到Join媽咪哥哥喇，仲等緊位，原來佢地係１８５０已經開始等，到１９４５爸爸收工來到都仲未有位，我同爸爸就最唔鍾意等位嘅，不約而同一齊講話要等不如唔食，最後等到２０１０終於有位喇，o拿o拿淋睇餐牌叫野食先啦！！我地只係食咗一個小時咋喎，真係２１１０就可以埋單走人喇，究竟係我地家人食得快丫？定係其他食客食得慢呢？我地一行５人叫咗呢幾款野食，食哂都算飽飽喇，好彩有個餐係半價，如果唔係得我同哥哥夾份都真係幾貴吓，原來幾年冇來貴咗咁多喎，好彩係好食同都食得幾開心啫，可能真係好耐冇一家人出街食飯啦.......！先點選匯豐信用卡精選意式二人套餐(５折)$248：① 挪威煙三文魚凱撒沙律(煙肉碎)配蒜茸多士﹣多士冇乜蒜茸味，不過就好香脆，唔錯。煙三文魚
今年母親節飯本來約好１９３０係樓下食嘅，點知當日上午又收到媽咪電話話哥哥想去意粉屋食喎，所以就改咗去新城市意粉屋等啦，不過我都心知不妙了..只因平時我星期六Tea Time時都見到好多人等位，而家要食Dinner添....都唔知要等幾耐喇。
我收工後好準時１９３０就去到Join媽咪哥哥喇，仲等緊位，原來佢地係１８５０已經開始等，到１９４５爸爸收工來到都仲未有位，我同爸爸就最唔鍾意等位嘅，不約而同一齊講話要等不如唔食，最後等到２０１０終於有位喇，o拿o拿淋睇餐牌叫野食先啦！！
我地只係食咗一個小時咋喎，真係２１１０就可以埋單走人喇，究竟係我地家人食得快丫？定係其他食客食得慢呢？
我地一行５人叫咗呢幾款野食，食哂都算飽飽喇，好彩有個餐係半價，如果唔係得我同哥哥夾份都真係幾貴吓，原來幾年冇來貴咗咁多喎，好彩係好食同都食得幾開心啫，可能真係好耐冇一家人出街食飯啦.......！
先點選匯豐信用卡精選意式二人套餐(５折)$248：
① 挪威煙三文魚凱撒沙律(煙肉碎)配蒜茸多士﹣
多士冇乜蒜茸味，不過就好香脆，唔錯。煙三文魚冇乜煙味，ＯＫ啦。
② 芝士焗龍蝦汁海鮮墨魚汁飯（蝦﹑帶子﹑青口﹑魷魚﹑魚柳﹑鮮菌及蕃茄）﹣
Ｄ墨魚汁飯整得好煙韌，墨魚汁冇乜味但帶有海鮮鮮味，海鮮又豐富，雖然係套餐但一Ｄ都唔流，幾好。
③ 烤帶子芝士焗卡邦拿意大利粉（意大利巴馬臣芝士、帶子、火腿及洋蔥）﹣
卡邦拿意粉真係好芝士呀！每條都佈滿濃濃的巴馬臣芝士，我唔鍾意食芝士冇得好講，不過Ｄ帶子好鮮有少少脆面入面唔韌，整得剛剛好。
④ 粟米雞忌廉湯 x 2
⑤ 即磨咖啡 x 2﹣
ＯＫ啦，好過麥啡囉。
再叫：
⑥ 巴馬火腿、珍寶什錦薄餅 ($176)（薄批）(意大利腸肉碎、牛肉、加拿大煙肉、辣肉腸、莎樂美腸、蘑菇、洋蔥、青椒及菠蘿)﹣
真係好耐冇食Pizza，其實係唔鍾意食，不過就好鍾意食最硬最脆同最唔受家人歡迎的批邊，以往食剩嘅Pizza我都會切返Ｄ批邊出來食架，今次都係一樣啫，正！！
⑦ 香草忌廉海鮮闊條麵 ($89) (蝦、帶子、青口、魷魚、魚柳及鮮菌) ﹣
好怕食呢類好芝士同好忌廉一PatPat汁嘅野，所以我只食咗蝦，幾大隻，仲好彈牙添，青口都好食。
⑧ 小食拼盤 ($69) (雞翼、洋蔥圈、美國瘋薯條、春卷、豬肉腸)﹣
都係咁上下啦，不過不失，只係雞翼又細隻又炸到燶哂，怪怪囉。
⑨ 茫果軟滑冰配熱情果分子 ($31)
連加一＄６７４
Post
