味道樂居酒屋 (元州街) (Closed)

想出走去日本覓食，此刻確是遙遙無期，幸好遇上味道樂，讓人生活中帶來一點甜。懷舊傳統居酒屋的裝潢，洋溢著濃厚的日本情懷，美食帶來幸福的感覺，滿滿的走進肚子裡。而該店招牌巨型鰻魚飯更是令人讚嘆，巧大條呀！味淋魚干 $48味道甜美香口煙韌口感，沾上沙律醬甚為美味，作餐前小食的確唔錯。大蔥厚切日本煙豚腩 $58煙豚腩咸香美味，一件腩肉一件大蔥，口味中和得好好唔會好咸，豚腩厚切口感滿足，非常有特色的小食。芝麻雞翼 (3隻) $68雞翼即炸新鮮熱辣唔油膩，外皮香脆芝麻香口，肉質嫩滑好入味，味道滿分。煙肉櫻花蝦煎廣島蠔 $98廣島蠔四隻被大量香口的櫻花蝦和煙肉碎所掩蓋，蠔身飽滿蠔味濃，少許黑椒辟味蠔沒有半點腥，好味~火灸北海道帆立貝蟹膏卷 $88帆立貝厚肉口感軟腍味道鮮甜，加上淡淡的蟹膏香，配搭真係無得輸，仲有蟹柳和青瓜絲，食落口感豐富。原條成田醬炭火燒鰻魚飯 $138鰻魚原條奉上超級大條望見開心，連隔離枱食客見到都跟風落單。魚肉肥美肉質軟腍，有少許細骨，塗上美味的醬汁甜甜地好好味，依個價錢相當抵食，必食推介。