Video
Read full review
2010-04-27
34 views
我唔係成日寫食評，但今次真係忍唔住要讚吓！細個時，好食嘅上海排骨菜飯好似好多地方都有......時至今日，正宗而好食嘅已經揾唔倒。直至揾倒呢間喺亞士厘道新開嘅美味廚。佢有好多set 選擇，我同老公叫咗個蟹肉瑤柱 + 排骨菜飯，另叫紅燒牛筋 & 担担麵。蟹肉瑤柱 ~ 好過好多大酒家，比起去飲嗰啲所謂嘅翅，佢呢個可以話係超班。湯底有雞同金華火腿味，蟹肉同瑤柱料非常足！排骨菜飯 ~ 非常正宗，排骨新鮮夠 juicy，軟滑鬆化面頭帶少少甜味，正！係細個時食嘅味道。菜飯好夠味夠油亮，飯同菜都唔會硬！紅燒牛筋 ~ 好入味，啲牛筋直頭入口即溶，非常出色！担担麵 ~ 個麵筋幾好，唔太林又唔會過硬！以咁嘅價錢食咁有水準嘅食物，真係好開心！
細個時，好食嘅上海排骨菜飯好似好多地方都有......時至今日，正宗而好食嘅已經揾唔倒。直至揾倒呢間喺亞士厘道新開嘅美味廚。
佢有好多set 選擇，我同老公叫咗個蟹肉瑤柱 + 排骨菜飯，另叫紅燒牛筋 & 担担麵。
蟹肉瑤柱 ~ 好過好多大酒家，比起去飲嗰啲所謂嘅翅，佢呢個可以話係超班。湯底有雞同金華火腿味，蟹肉同瑤柱料非常足！
排骨菜飯 ~ 非常正宗，排骨新鮮夠 juicy，軟滑鬆化面頭帶少少甜味，正！係細個時食嘅味道。菜飯好夠味夠油亮，飯同菜都唔會硬！
紅燒牛筋 ~ 好入味，啲牛筋直頭入口即溶，非常出色！
担担麵 ~ 個麵筋幾好，唔太林又唔會過硬！
以咁嘅價錢食咁有水準嘅食物，真係好開心！
Post