泉章居 (Closed)

月頭好兄弟結婚，幫手做兄弟。新婚夫婦話今晚要請班兄弟食番餐飯，慰勞下大家。黎到方便大家嘅中間點旺角，一班人梗係食中菜，傾得大聲ｄ都無問題。叫左個六人套餐 $718金牌鹽焗雞 - 鹽焗雞係呢度招牌菜，眼見好多枱都有叫。份量都幾多。雞皮爽，入口雞肉嫩滑，鹽焗嘅咸味滲入雞肉度，咸味剛剛好。西芹蝦仁花姿片 - 蝦同花姿片份量偏少，西芹好多，味道ok。竹笙鼎湖上素 - 竹笙再配上生菜、冬菇，全素小菜，味道比較清淡。中式牛柳 - 酸酸甜甜，好開胃，送飯一流嘅小菜。脆皮炸鮮奶 – 外脆內嫩，一口咬落去，奶味濃郁。