Video
Read full review
2022-05-05
3697 views
自從晚市死線設係6點後，所有餐廳都屍橫遍野，捱過這個嚴冬的日子，終於見到龧光，雖然今次仲係得四人一檯，但一家四口都啱啱好，至少無須分檯吖！遲少少仲放寬至8人一檯，真係好消息。重見天日第一餐Buffet，就選來尖沙咀金域假日酒店的 Bistro on the Mile。雖然酒店已加入檢疫酒店行列，但安全措施是做到十足，將餐廳與住客區完美分隔，令人放心。未用餐，先行恆常三步曲，掃安心、探熱加針卡，缺一不可。睽違了的Buffet吧檯，一刻真似跟戀人久別重逢。生蠔即開美國生蠔，絕不是那種大而無當，毫無蠔味的貨色，而是體形較細，蠔味亦較好，而且每次限取3隻，保證衛生。海鮮若然大家係星期五或六光顧，海鮮類會更加豐富，凍龍蝦是必然首選，好多都係爆膏，夠邪惡。當然，仲有麵包蟹、青口、翡翠螺以及海蝦，種類都算多，食得過。湯品燉湯係花膠螺頭瘦肉湯，真係好清甜醇香，而蕃茄濃湯酸酸地幾開胃。刺身有鯛魚、八爪魚、甜蝦、仿鮑魚片、吞拿魚及三文魚，去不了日本，食多幾件頂癮都好，而且解凍處理得不錯，沒半點雪味。壽司胃納都給其他菜色吸引，就算有北寄貝、三文魚、甜蝦、蟹柳、鰻魚以及蟹籽軍艦壽司，都只好放過。熱葷畢竟有龍苑
重見天日第一餐Buffet，就選來尖沙咀金域假日酒店的 Bistro on the Mile。雖然酒店已加入檢疫酒店行列，但安全措施是做到十足，將餐廳與住客區完美分隔，令人放心。
未用餐，先行恆常三步曲，掃安心、探熱加針卡，缺一不可。
睽違了的Buffet吧檯，一刻真似跟戀人久別重逢。
生蠔
即開美國生蠔，絕不是那種大而無當，毫無蠔味的貨色，而是體形較細，蠔味亦較好，而且每次限取3隻，保證衛生。
海鮮
若然大家係星期五或六光顧，海鮮類會更加豐富，凍龍蝦是必然首選，好多都係爆膏，夠邪惡。
當然，仲有麵包蟹、青口、翡翠螺以及海蝦，種類都算多，食得過。湯品
燉湯係花膠螺頭瘦肉湯，真係好清甜醇香，而蕃茄濃湯酸酸地幾開胃。
刺身有鯛魚、八爪魚、甜蝦、仿鮑魚片、吞拿魚及三文魚，去不了日本，食多幾件頂癮都好，而且解凍處理得不錯，沒半點雪味。
壽司胃納都給其他菜色吸引，就算有北寄貝、三文魚、甜蝦、蟹柳、鰻魚以及蟹籽軍艦壽司，都只好放過。
熱葷
畢竟有龍苑中菜廳，自助餐的中菜表現都不錯。
蒜蓉粉絲蒸扇貝雖然礙於蒸籠關係，每次只蒸幾隻，但refill得快，感覺良好。
蒸魚喜歡食魚的朋友，蒸魚就最啱，而今次係大海鱸，火喉恰到好處，魚肉好嫩。
炒海鮮西蘭花瑤柱汁又是一道常見的熱葷菜，重點反而係西蘭花，新鮮脆嫩，好味。
若然閣下是無肉不歡，除了Carving Station 有西冷外，亦有羊扒與韓式燒牛肋。
個人就比較推介薑蔥炒蟹同埋椒鹽鮮魷。
加上鴨肝臘味炒飯、鐵板海鮮（魚柳、蝦、青口）、鹽燒鯖魚、韓式海鮮煎餅、蒜香炒雜菜、香草燒新薯、印式雜菜咖喱、油雞、燒鴨、燒豬腩肉、日式蟹肉蒸蛋以及天婦羅，種類可算多。Carving Station
大大片西冷，中間位肉色嫣紅，肉味不俗，而有骨火腿同樣肉味濃，有嚼口。
冷盤
有希臘乳酪青瓜沙律、鮮蝦配芒果莎莎醬、煙三文魚、煙鴨胸、莎樂美腸、醉雞翼、海蜇燻蹄、凍雜肉、Parma Ham 配蜜瓜以及黑椒火雞。
沙律有海蜇雞肉沙律、韓式銀芽沙律、薯仔火腿沙律
煙三文魚意粉沙律、韓式雜菌沙律、燒牛肉沙律配日本冬菇露筍、日式青瓜蝦沙律、咖喱雞肉配鮮果合桃沙律及沙律菜。
灼料吧想來點澱粉質？大可在灼料吧食碗麵，配料有青口、牛丸、豆卜、海蝦、秀珍菇、魚片、龍蝦丸及餃子供選擇，而麵底有烏冬、油麵及生麵。
甜品
首選當然係 Häagen-Dazs 雪糕，而且有仲夏野莓、雲呢拿、士多啤梨及朱古力四款口味，雪糕控啱晒。
Bistro on the Mile 的甜品一向水準穩定，尤其是 Tiramisu 更是必食。
當然，其他甜品種類亦多，有焦糖榛子蛋糕、白酒雜果Jelly、朱古力布朗尼、杏仁酥條、紅桑子雲呢拿慕絲、紅桑子Jelly、芒果布甸、藍莓奶凍、日式芝士蛋糕、雲呢拿批、法式焦糖焗忌廉撻、香蕉牛奶朱古力蛋糕、白朱古力蛋糕、朱古力薄脆蛋糕、希臘乳酪芝士蛋糕、綠茶戚風蛋糕、芒果椰子撻、葡撻以及中式豆腐花。
可惜甜品quota有限，個人推薦芒果椰子撻及紅桑子雲呢拿慕絲。飲品
除了自助咖啡機外，茶包類都有好多款，Earl Grey、綠茶、English Breakfast、Decaffeinated Ceylon Tea、Moroccan Mint 以及 Peach，仲要係任飲，一條數計晒。實在太耐無食Buffet，就算係減肥期間，都忍唔住口。
Post
