滿記甜品 (Moved) New Location

提起滿記，大家會諗起咩嘅甜品呢？我就最愛滿記嘅榴槤班戟，今晚突然好想食，就即刻開車🚘衝咗去西貢，久違嘅榴槤班戟，每一啖都係熟悉嘅味道，口腔嘅榴槤味久久不散，令人想食完一舊又一舊，可惜長期減肥嘅我只可以忍口淺嚐一舊。今晚仲叫咗個🥥椰皇燉奶紫米露，但除咗滿滿嘅甜味外，🥥椰皇同🥛奶味都欠奉，連椰肉食落都係完全冇味道，令人有啲失望😞。而另一碗雪梨燉雪耳，一碗有一半都係雪梨同雪耳，但不論係材料定湯水味道都係偏向清淡。