維記咖啡粉麵

Open Now

Now Closed

已經有5年冇食過，對上一次食膶牛麵覺得難食左好多，豬膶又薄又鞋，牛肉又冇肉味，又多大陸遊客勁多人排隊等位，自始就唔想再食。今日去開深水埗買嘢，行到一半肚餓，見到維記唔洗等位而且價錢比附近餐廳平少少，入去求其食碗麵再行街。隔咗幾年再食返膶牛麵反而覺得好驚喜，碗麵上枱時豬膶啱啱熟，有少少粉紅色水係面，咬落去外面爽爽地入口軟糯，火候控制得好好，唔係睇見都唔想食果種。湯底鮮甜充滿豬膶同牛肉精華，一飲上癮，如果有得叫多碗淨湯就好啦。