一鍋堂 (大鴻輝(荃灣)中心) (Moved) New Location

實在好耐冇食火鍋，早幾日同朋友去左荃灣一鍋堂。呢次好似係我自肺炎開始第一次入火鍋店，真係唔知原來依家出去拎配料要戴口罩，雖然麻煩，但都衛生啲，大家都安心。手機落單好方便。坐低第一件事當然係揀湯底同餐，揀左套餐B既特選安格斯牛配胡椒豬肚同養生藥膳湯底。落完單等上菜既時候就可以出去揀下啲配菜同醬料。一鍋堂有啲自家製既茶都好值得一試，係雪櫃可以自己拎。就咁睇覺得個湯底都幾足料～可以就咁飲幾啖試下味先。幾中意一鍋堂其中一點就係佢地上菜會放哂入呢啲積木tray，疊埋定分開擺都幾方便。每份其實都唔大，好岩我呢啲咩都想試下，2個人黎食都唔會太大壓力，而且啲餸都幾新鮮，唔係霉霉爛爛果啲，真心唔錯！