新志興至尊燒鵝大王

Open Now

Now Closed

今日同一行九人行完飛鵝山，好自然就決定喺彩虹附近一帶搵食，有人提出仲有冇大牌檔感受下，印象牛池灣好似仲有，於是上 Openrice就搵到「新志興」😜唔知點解，去大牌檔好自然就會墮入大牌檔嘅角色🤪，第一件事首先就叫左幾支大藍妹（連冰筒），跟住再點幾個餸送酒，包括「燒鵝、滷水豬腳仔、炸蠔餅同黃金鮮魷」😍「燒鵝」差唔多每檯必食，隻鵝好大隻，皮下脂肪唔算多，燒得唔錯肉味鮮美👍「滷水豬腳仔」滷得好冧好入味，啖啖肉送啤酒一流😋如果將呢度「炸蠔餅」同真係潮州菜館出品比較，坦白講係有點遜色，但大牌檔風味就係平靚正，果頭廚房煮好好快就送到你面前，樣樣熱辣辣其實已經加分同埋好食😉「黃金鮮魷」做得非常好食，鹹蛋黃蓉包勻每件鮮魷，食落啖啖鹹香，真係唔使一陣，幾個餸就消耗左好幾枝大啤🤪見食到差唔多，繼續開放第二 round，再點多幾個菜「虎皮釀尖椒、柚子骨、蝦干浸豆苗、順德小炒王」🍻「虎皮釀尖椒」係另一個今晚好有印象嘅菜，蒜頭豆豉辣椒炒得好香，係咪大牌檔先有呢啲鑊氣呢🤔 辣椒好好味又唔會太辣，正👍「柚子骨」係靚仔哥哥（其實係呀叔🤣）介紹嘅，咁我哋當然唔會拒絕，最後都冇失望，柚子味濃肉排又冧，唔錯😋食咗咁多肉都要