逸豪酒家 (Closed)

之前來過呢度，曾因為佢某些飲食業嘅致命問題而感到失望，搞到我好耐都唔敢來，其實我之前有係呢個Openrice平台兩度就衛生及服務撰文反映，兩篇文嘅標題是「嚇人...」(2009/6/22)和「一肚氣!」(2009/12/23)，詳細資料大家也可翻查以上提及文章。致命問題包括:1)整潔問題: 碗碟不太清潔；重用前一手客人用完的枱布，即冇換，核突到爆!2)服務問題: 冇人招乎；埋單又計多錢好唔老實，到我睇單唔分氣又黑哂面!時至今日，巧合之下班friend約咗來呢度，開頭我好有恐懼感，不過我認為整潔及服務問題都稍有改善。今次質素尚ok，當然仍有改善空間!乾炒牛肉河(碟):炒得不錯，有鑊氣，又抵食!凉瓜牛肉飯(碟): 分量足，又有好香嘅蚝汁送飯，牛肉亦不錯!切雞米粉: D湯冇味如清水，勁難食!蟹子燒賣皇: D肉質麻麻! 香煎虎皮椒:冇乜特別!經典流沙包:不過不失!香芋鴨腳扎:好食，不過D鴨腳染紅色得好犀利!山竹牛肉球:唔好食，溝咗好多肥肉及粉!來到好少客，不禁感嘆生意難做呀，恐怕不敵最近嘅喜悅、要等位嘅寶湖、德馨苑及要等成最少半粒鐘嘅明星!今次質素中規中矩，服務及衛生都稍有改善，而且價錢化算!