Video
Read full review
2010-12-29
191 views
同大少講要去大榮華講左幾世耐終於都去得成! 此行目的: 肥美烏頭6點去到已經超多人, 等位期間仲見到肥滔行出行入, 不過實在太多人堆響門口, 而佢個腩又有返咁上下,佢行極都行唔到出去 (-_-)""等左差唔多成個鐘先有得埋位, 由於等位時已經揀左想食d咩, 所以一坐低就fing張小菜紙俾呀姐。 豬油撈飯黎得大榮華點可以唔食豬油撈飯? 雖然枝豬油聞落有陣油益味, 但係撈左落兜飯又真係勁香。 咸水檸蒸烏頭我最鍾意食咸檸檬蒸烏頭, 雖然呢條魚冇我想像中咁肥美, 不過都好香, 完全冇泥味。 蓮藕片炒豬脷蓮藕片好爽口, 豬脷切得厚身又夠份量。 金沙蟹粉扒西蘭花咪睇佢賣相好似好得咁, 其實面頭pat"金沙蟹粉"落得太多豆粉, 杰撻撻好難食。碟野放左大概15分鐘, pat"金沙蟹粉"已經呈現凝固狀, 我地好輕易就將呢pat野好似張被咁揭起, 淨係食底下d冇味西蘭花算數! 芋頭西米露晚市有糖水送, (先到先得, 送完即止) 你唔問呀姐, 呀姐其實係唔會話你知有糖水送, 隔離枱都係埋左單先見到我地有得食, 飲恨~~~
6點去到已經超多人, 等位期間仲見到肥滔行出行入, 不過實在太多人堆響門口, 而佢個腩又有返咁上下,
佢行極都行唔到出去 (-_-)""
等左差唔多成個鐘先有得埋位, 由於等位時已經揀左想食d咩, 所以一坐低就fing張小菜紙俾呀姐。
豬油撈飯
黎得大榮華點可以唔食豬油撈飯? 雖然枝豬油聞落有陣油益味, 但係撈左落兜飯又真係勁香。咸水檸蒸烏頭
我最鍾意食咸檸檬蒸烏頭, 雖然呢條魚冇我想像中咁肥美, 不過都好香, 完全冇泥味。蓮藕片炒豬脷
蓮藕片好爽口, 豬脷切得厚身又夠份量。金沙蟹粉扒西蘭花
咪睇佢賣相好似好得咁, 其實面頭pat"金沙蟹粉"落得太多豆粉, 杰撻撻好難食。碟野放左大概15分鐘, pat"金沙蟹粉"已經呈現凝固狀, 我地好輕易就將呢pat野好似張被咁揭起, 淨係食底下d冇味西蘭花算數!芋頭西米露
晚市有糖水送, (先到先得, 送完即止) 你唔問呀姐, 呀姐其實係唔會話你知有糖水送, 隔離枱都係埋左單先見到我地有得食, 飲恨~~~
Post
