鱷魚泰國餐廳 (Closed)

食泰菜時，當然要去九龍城食啦！今次揀左一間叫鱷魚泰國餐廳，地方簡約同時加入泰國嘅特式。兩個人黎到一於叫個二人餐，唔駛煩諗咩不知幾好！二人餐有冬蔭海鮮湯、炸蝦餅魚餅、脆肉炒芥蘭、青咖哩雞同牛油薄餅！五樣野雖然好豐富，但我地都追加左生蝦刺身同勁鐘意嘅椰青。先講生蝦，蝦肉口感爽口又唔會一陣雪味，加上兩款唔同醬汁，好快已經食哂成碟。蝦餅魚餅唔似一般食過嘅咁實，反而稔身少少我仲鐘意，口感同味道都好好！冬蔭海鮮湯勁多海鮮，入面仲有青口，所以個湯好重海鮮味，又唔會勁重味精味，清少少嘅冬蔭公湯反而令我飲多兩碗。而青咖哩雞有蔬菜同滑身雞肉，味道剛剛好，唔會過份重椰奶味，配埋牛油薄餅食，索哂啲汁，簡直想encore薄餅繼續點咖哩汁食。最尾嘅脆肉炒芥蘭，身邊個個人都大讚，勁有獲氣，而脆肉唔會過咸。個二人餐都係$238，而生蝦就$98、椰青$36。兩個咁食都幾抵。