鱷魚泰國餐廳 (Closed)

今日星期六下就收工後約朋友去九龍城食泰國野，見呢間之前d評估都唔錯好多野都好想食所以就去試試，可能係晏就時間喇～所以去到時餐廳一個客都冇，老闆人好好佢d小朋友都喺舖頭，好家庭feel，朋友未到我等住先老闆都冇催落單仲好好態度，朋友未到時我先叫住兩道菜先⋯⋯分別係小鳥等愛同青檸辣椒明盧烏頭魚先，等朋友黎到我哋再叫柚子沙律同蛋網蝦球金邊粉。上菜有d慢，我諗應該係即叫即整🤣因爲都冇其他客，不過無耐就有對情侶客黎咗喇先黎小鳥等愛，前面個d白色嘅裝飾係花生，雀仔頭係薯蓉做嘅冇味嘅都幾難食，雀身係蝦，味道一般第二道係蛋網蝦球金邊粉⋯⋯味道比較咸！感覺一般。第三道先出條魚，味道就淡咗d不過都幾好味𠵱～味柚子沙律咁耐未有嘅？原來漏咗單🙈最後我哋都係取消咗呢個沙律，已經唔係多客架喇～咁都會漏單，不過算喇～老闆嘅態度都幾好

其實我都係泰國菜常客 ~ 有食開指定幾間, 屋企人話想試新野, 就嚮網上搵資料 , 呢間好似唔錯, 點知真心覺得係伏....小插曲 : 去到餐廳就先去個廁所 , 點知佢個廁所門門鼓壞, 夾親我手指, 我果刻除左痛, 第一樣諗既野就係: 會唔會D野唔好食....先來個蝦餅, 油係有小許油益味 , 都算, 蝦餅有蝦味, 但係粉架....大佬 , 我從來未食過蝦餅係咁差, 隔離檯都有叫, 我見到佢地個反應都係瞬間變臉....再來炒粉, 冇味....咖哩炒大蜆 , 先講個汁 , 真心難食到爆, 根本就係一個芡....糊仔咁 , 真心差到一個點, 夾起第一隻蜆, 肉呢....第2隻又冇....再搵下...得幾粒肉仔,  蜆好多, 肉好細, 仲要唔係CHI住個壳....好懷疑係後期加工, 最後都決定要退至於其他食物不提了, 只屬好一般....仲有, 其實泰國小店好小會加1服務費, 究竟點解要加1 ?

午市來吃，人不多。雞肉炒河：很好吃，好味，河粉比較肥大。辣豬肉炒河：lunch #3027一來到在找那有豬肉，本以為一片片肉，找了很久才知道係碎肉。。。很好味，想再吃！服務：有礼，但其中一女只懂泰文，甘。。。点解仲為人落order,雞同鴨講。

懶得weekend 放假，就同男朋友去九龍城塭好野食🤩我哋本身冇諗住食泰國嘢，不過經過呢間好評都幾多嘅泰國餐廳就決定試吓佢啦😀我哋一坐低就嗌咗碟生蝦，好鮮甜，不過咪住，生蝦最緊要係個汁，呢間個醬汁又唔會好辣，啱啱好，唔似得出面有啲餐廳，個生蝦汁辣到物咁，食咗一兩只夠已經唔想食。食完我哋仲encore添之後個椰青，真係好正，因為好甜輪到個辣椒膏炒蜆，啲蜆都幾大隻，洗得幾乾淨，無沙。個辣汁有辣味得來都不是太辣最後嚟到香茅烤烏頭魚，其實我本來比較少食烤烏頭，通常食開明爐煮。不過男朋友說烤仲好味，就試下啦。本來以為烤會好熱氣，點知完全冇呢種感覺。條魚燒得啱啱好唔會老，點埋個汁就prefect 啦！其實個烤魚皮都好食架，大家可以試下我哋食得好開心呀，下次會再黎的

朋友玉器店新舖開張，去捧場之餘相約飯局。上網見到零負評泰菜決定一試，位於將來地鐵出口隔離，視線完全被地盆阻擋，唔係開住地圖都差啲搵唔到，餐廳零音樂感覺寧靜，食客都自律地輕聲說話生蝦刺身（$98/7隻）鮮蝦大隻厚肉﹑爽口彈牙﹑味道鮮甜，調味醬略為偏淡唔夠酸辣西施柚沙律（$78）大蝦份量足，西施柚比葡萄柚少咗啲水份，但味道清甜唔會酸炸蝦餅包皮蛋（$88）表面炸到金黃鬆脆，直頭好似薯片咁脆，蝦膠緊緊包皮蛋，而蛋黃仍然保持軟心效果脆肉炒椰菜苗（$78）椰菜苗唔係波波球狀，脆肉唔夠脆，炒出嚟唔夠鑊氣，好彩係個椰菜心唔會苦滿$300可以選擇一款指定小菜，我地揀咗明爐烏頭魚，酸酸辣辣幾醒胃，檸檬浸耐咗成個湯都變苦，搞到條魚唔食得，嘥晒椰青（$36）同椰青沙冰（$38）都只係差2蚊，沙冰打得夠滑，兩款都清甜解渴

選擇食泰國菜，就搵搵九龍城，但九龍城泰國菜真係超多選擇，睇openrice見呢間竟然無嬲嬲樣，咁就決定試試，果然無揀錯，真係好味道，一定會再嚟食，食物絕對唔馬虎，正😋😋

又到一星期工作的最後一天，是時候跟同事少少放鬆一下！其實我們已經光顧這間餐廳無數次, 但一直拖到現在才正式為它寫一篇食評。這間餐廳餐牌上提供三十多個午餐選擇，價錢大約$40-$50左右(可惜沒有拍下餐牌)，跟同區的餐廳差不多，而且更重要的是能容納我們一大班人光顧！店內的環境整體算不錯，光線充足而且座位之間不會很擠迫。接下來就要正式介紹這次點的食物，大家都很願意讓我拍照,，反倒是我忘記拍下自己點的食物！(到底是有多餓？) 總括來說評價正面，我們更戲稱這間餐廳已變成了我們的泰泰國食堂‧

住喺呢頭附近，梗係會定時定候過嚟九龍城買狗仔野益下我隻衰狗，今日收工就約咗男人過嚟九龍城拍拖買下狗仔野，俾我哋撞到呢一間泰國菜，九龍城竟然仲有泰國菜餐廳我地未試過？一於同男人入去試吓先餐廳面積唔算好大，但係裝修清新舒服，有自己嘅風格，坐落都幾舒服。而且枱同枱之間唔算好貼，講嘢唔會比隔離枱聽到晒，都尚算有私隱度鹹魚炒芥蘭鹹魚分量唔算好多，但係食落鹹魚味好重，芥蘭有揀過，咬落無一口都係渣，而且芥蘭爽脆可口，尚算出色炭燒豬頸肉呢度嘅豬頸肉切得比較薄，但可幸嘅係佢呢度嘅豬頸肉炭香味10分重，而且燒得唔會太乾身，咬落仍然有肉汁，唔錯泰式鳳爪沙律鳳爪份量超級多，最少都有10幾隻，男人唔食，我一個食晒真係食飽到想嘔，辣度夠，沙律菜亦都10分新鮮，但對我而言，酸味未夠芝士炸蝦球呢粒蝦球分量十足，仲大粒過乒乓波，一咬落去爆曬芝士，嗰隻芝士仲要係拉絲果隻Tim ， 10分邪惡,蝦球亦都爽口彈牙，好食我呢啲飯怪，梗係要配碗白飯先叫完美啦，見到佢有油飯嗌，真係好想食，但因為年紀真係唔係青春少艾，唔敢咁過份，都係乖乖地食碗白飯算啦

<九龍城泰菜好選擇>😆#fafafoodblog九龍城九龍城甘多好味泰菜😃 老字號嗰d食過好多次 今次試下新野 呢間鱷魚泰國餐廳 環境雖小但食物味道唔錯😃🍴青咖喱 雞🐥 配薄餅🍕泰式青咖喱 雞肉嫩滑 應該係雞脾肉黎🐥 咖喱汁好香濃 甜味多但唔太辣 入面有香草辣椒🌶 仲有泰式圓形嗰款茄子 好味😆 加上香脆既泰式薄餅 充滿油香 點埋咖喱汁更入味😆🍴泰式炸炸蝦餅炸魚餅🦐🐟蝦餅魚餅炸得熱辣辣🔥 蝦餅好香脆。入面蝦肉彈牙 魚餅 好夠香草味 魚肉煙靭😆 點埋甜酸醬仲正 😃🍴冬蔭公海鮮湯🍲冬蔭公海鮮湯🌶 入面落足料 酸辣味濃 帶有少少椰子香既甜味 🍲 入面有香草 磨菇 蕃茄 🍅等等夠哂惹味🍴脆肉炒介蘭🌿🐷用炸過既咸豬肉同芥蘭一齊炒 豬肉味濃而又咬口 咸味滲入有鑊氣既芥蘭 好match 😆Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~Addres

細細個就係附近讀書，所以對九龍城特別有感情成日周圍食泰菜，但最鍾意都係係九龍城食～今日放工約埋d舊朋友黎九龍城回味下，周圍逛，見個門口有隻鱷魚🐊，好似幾得意，就揀左呢間小店試下。一行五人，可以盡情叫野食呀～食泰菜，生蝦刺身係必食嘅！嘩～好新鮮，爽甜呀！配埋個sauce，好味到我要連啪2隻。再黎個馬拉盞炒椰菜苗～既唔油膩又幾好味！生菜包又係我食泰菜必叫～同行朋友話少食，於是我就叫黎大家試下。個肉碎炒到剛剛好，微辣～朋友話好想食炒蜆，大家就揀左個辣椒膏炒蜆。話事話，我平時都少食呢個菜。真心唔太辣之餘，係好惹味咼！D蜆好甜～再黎個蛋網蝦金邊～掂呀！佢d櫻花蝦幾香口，個金邊炒得剛剛熟，唔油膩。其實食到呢到，我地已經開始飽～難得一聚，梗係食得開懷D啦！小食拼盤- 炸蝦餅、香葉雞、炸春卷、炸雞塊&炸魚餅特別推介炸春卷！素春卷黎架～仲有個酸辣無骨鳳爪～少少辣～爽口入味！D車厘茄都好正～三五知己飯聚，食飽飽，好滿足！

今次同同事路經九龍城又想食泰菜，於是決定試前野一行四人黎到南角道呢間泰菜食好西環境方面：呢間係一間小店黎，店內裝潢都好光鮮環境十分乾淨，同朋友黎坐低傾下計都幾唔錯！食物方面：生蝦入口亦好爽脆，食落絕前唔「漿」口證明生蝦好新鮮，推介呀呢個炒蜆超級正，同行所有同事都一致好評個辣椒醬真心香口，可以帶出蜆既鮮味必食呀肉碎落左九層塔，食落超級香口！呢碟都好高質，亦係必食呢碟拼盤真係驚為天人！超大碟！每件都好好食！如果要挑剔既話，只係覺得個葉包雞鞋口左少少，但個人認為可接受既！最黎大家都食唔哂呢碟😅

好耐都冇去過九龍城食野，週日晚去到附近打過邊爐，一路行都見到好多泰國菜館，抽起條根又想食泰菜，於是隔日就同幾個朋友再黎九龍城呢邊。鱷魚泰國餐廳就喺南角道，平日晚上黎到，客人非常多，加上餐廳位置唔多，好在剛好有客人結賬，我地先有位坐，不用等。相對隔離嘅泰國菜，呢間相對比較小店形式，裝潢簡單，燈光充足，乾淨企理餐牌供應小食、湯品、沙律、海鮮、咖喱、飯麵、沙冰等，定價合理。晚市亦有不少套餐，選擇富彈性，2至7人定價$298-$698，價錢相宜，但我地冇留意到，所以最終單點，其實點套餐應該會再抵啲。一行四人點到一枱都係，人均不到二百蚊，本來不抱期望黎，結果意料之外，整體都覺得唔錯不過留意，呢度上菜速度都幾快，如果怕食唔切會放涼，建議幾樣幾樣咁點，又唔洗食得咁趕。炸蝦餅 $68蝦餅上枱都幾靚仔，一共四件，分成兩半，炸漿唔厚，新鮮炸起，熱辣辣。蝦肉都絃幾彈牙，雖然冇乜蝦味，不過價錢都幾平。冬蔭公湯 $78/小冬蔭公湯味道唔錯，幾足料，裡面有兩隻大蝦、菇菌，湯底唔會太油膩，而且酸辣度適中，味精感唔會太強，飲完都唔會話覺得好口渴。蝦肉彈牙，菇菌都好入味酸辣無骨鳳爪 $68無骨鳳爪份量都幾大份，但味道略

有香港小曼谷之稱嘅九龍城當然有好多泰國菜聚集，個人黎講都間中去九龍城食泰國野，比起連鎖店，就傾向幫襯啲小店，有時去下街市樓上果檔泰菜，貪佢平平地。連鎖店通常出左名就價錢貴啲啦，又或者出品冇咁用心，而且服務水準都會相對下降，有時就寧願去小店好過。今日同幾個朋友黎左呢間鱷魚泰國餐廳，大家都係第一次來，網上評語都唔錯，冇抱住太大期望前來，反而覺得幾有驚喜大約八點鐘來到都差唔多爆棚，餐廳地方唔大，枱與枱間比較親密，呢個都係一般九龍城泰國菜特色，見怪不怪。我地四個就點左幾款食物，不過就冇點到套餐，臨走先見到有啊！你地黎到都要睇下套餐啱唔啱食。整體食物水準都唔錯呢蝦餅：每件都幾大件，食落都幾彈牙，新鮮熱辣辣，點都會好食辣椒膏炒蜆：蜆肉都幾大隻啊，超過十隻，100蚊唔洗都算係咁，因為食泰國菜嘅海鮮都唔會特別平。味道方面唔會太辣，而且幾香口，如果點蒜蓉包或者薄餅都會唔錯嘅。咖喱豬肉：我地猶疑緊到底揀紅、青定黃咖喱，因為都唔係好識分，最後問左店員意見，同埋見到餐牌上有個「噴靚咖喱」，個名好特別，店員話係加左椰漿。食落味道都唔錯，椰漿都帶出左咖喱嘅香氣，而且豬肉都唔肥，又幾嫩，咖喱唔會太辣，我地點左薄餅，

昨天去樂富掃墓，然後和家人步行到九龍城吃午餐。去九龍城就當然去吃泰國菜啦。我們大約一點半到埗，等了20-25分鐘。這家店挺經濟實惠又美味。星期日一家四口食四個午餐，加一個炸蝦餅包皮蛋再加一碟炒馬拉盞，盛惠$379，每人$95咋！去吃泰國菜不能不點Pad thai! 這店的泰式炒金邊粉跟豬頸肉撈金邊粉賣相雖不精美，但勝在大碟夾抵食！我和哥哥點了金邊粉，爸媽則點了飯。爸爸點的海南雞飯，另送冬瓜湯；雞是香滑的，但我略嫌油飯不夠香。媽媽點的是黃咖哩牛肉飯。黃咖哩一點也不辣，內有青椒、紅椒、洋蔥和煮得軟稔的牛肉，送飯一流。炒馬拉盞不過不失；最印象深刻的菜式是炸蝦餅包皮蛋。本身皮蛋的口感層次已經十分特別：核心呈軟心，外圍是啫喱口感。現在再加上外表香脆、內裡彈牙的蝦膠，配上開胃醒神的酸甜醬，整個味道和口感層次都非常豐富👍🏻👍🏻👍🏻

還記得第一次食的泰國菜就是九龍城黃珍珍，今日再來到九龍城，林林總總的泰國餐廳周街都是，真的不知哪間好，一於睇openrice選擇食評不錯的鱷魚泰國餐廳。蝦多士用麵包加蝦膠釀入原隻鮮蝦炸成，既彈牙又爽口，每件都成隻手掌咁大。雞翼炸得香口，但嫌醃得不夠味通菜炒得都不錯，菜新鮮夠嫩串燒就一般咖哩蜆好多咖哩汁，不想浪費，可以點薄餅及撈飯食一流。食滿$200餐廳會送一款指定小菜，我們選擇青檸辣椒烏頭魚，但汁又酸又辣呢，魚都不太新鮮。