坤記牛腩 (Closed)

身為愛腩之人，豈會未聽過九龍城坤記牛腩既大名呢？橫掃全港既清湯腩，卻因為呢間坤記係九龍城比較隔涉就未去過，今日終於約曬一眾愛腩之人去食！叫咗個淨崩沙腩($170)、郊外油菜($20)、清甜蘿蔔($23)、金牌牛三寶撈伊面($63 轉伊面另+$5)崩沙腩炆得好鬆化，肉味好濃一咬落去滿滿嘅幸福，湯底好清澈冇乜雜質，如果冇咁鹹就更加好。點少少自家製辣椒油，更加惹味！呢度嘅蘿蔔切得好大舊，食起上嚟有啲麻煩，亦都要不顧儀態咁樣食，但係蘿蔔炆得好入味，我食咗好多舊。金牌牛三寶撈伊麵就係上湯撈麵😋牛三寶嘅份量好多，好抵食，有牛肚、牛筋、同埋牛腩，雖然牛腩係普通嘅牛腩，唔係好似崩沙腩咁正，但係都非常之好味，因為佢唔會太肥，非常林同埋肉味好重。聽講呢一度嘅鳳城水餃好好味，所以我哋都加左兩粒嚟試吓，皮薄餡靚勁大粒，係我最近食過最好味嘅！嘢飲方面叫咗豆漿($13)同凍奶茶。都正常，送飯一流。📍坤記牛腩九龍城侯王道2B號地下