Video
Read full review
2018-09-05
239 views
自從轉左工之後，真係少咗去九龍城覓食。趁住今晚難得嘅早收工再加上慶祝第n個拍拖記念月，就同男友去小泰國搵食。漫無目的嘅閒逛之下，我就俾同撈同煲呢間懷舊霓虹燈招牌嘅店舖吸引咗😂😂一望menu，無論湯底同食物種類都有好多選擇。店員都好好，見我哋無乜頭緒，好主動咁介紹有咩必食推介。最後我地叫左個比較養生嘅醉雞鍋。平時我都好少會飲湯，但見佢好足料而且晤油膩，所以喺開始打邊爐之前都飲咗幾啖。不得不讚下隻雞，肉質嫩滑，有雞味，我地竟然清曬成隻雞美國桶蠔都係必點嘅！淥完之後都仲係好大隻，佢好厚肉，內裡唔腥之餘，仲好夠鮮味一碟5大隻，好抵食🤩店員推薦我地食貴妃蚌，特價$58兩隻。好快已經甩殼食得，一啲都晤靭，好鮮甜而且咬落去嘅肉質好爽，啖啖肉可能因為張枱近魚缸，見佢d海鮮都好新鮮，所以我地繼續都係叫左d海鮮有關嘅食材🙊鴛鴦滑分別有黑松露墨魚滑同埋蟹子蝦滑，可以雙拼就啱晒我呢啲選擇困難症乜都想試嘅人。兩款滑都各有千秋，我就比較鍾意食墨魚滑，食到墨魚嘅鮮味同時亦都有淡淡嘅黑松露香味另外佢都有好多自家製手工餃，menu上有款美人餃係推薦菜式，一問之下，原來裡面嘅餡料都好特別，其中一樣係養顏嘅桃膠心目中呢一樣
一望menu，無論湯底同食物種類都有好多選擇。店員都好好，見我哋無乜頭緒，好主動咁介紹有咩必食推介。最後我地叫左個比較養生嘅醉雞鍋。平時我都好少會飲湯，但見佢好足料而且晤油膩，所以喺開始打邊爐之前都飲咗幾啖。不得不讚下隻雞，肉質嫩滑，有雞味，我地竟然清曬成隻雞
醉雞
28 views
0 likes
0 comments
美國桶蠔都係必點嘅！淥完之後都仲係好大隻，佢好厚肉，內裡唔腥之餘，仲好夠鮮味一碟5大隻，好抵食🤩
美國桶蠔
24 views
0 likes
0 comments
美國桶蠔
13 views
0 likes
0 comments
店員推薦我地食貴妃蚌，特價$58兩隻。好快已經甩殼食得，一啲都晤靭，好鮮甜而且咬落去嘅肉質好爽，啖啖肉
貴妃蚌
30 views
0 likes
0 comments
可能因為張枱近魚缸，見佢d海鮮都好新鮮，所以我地繼續都係叫左d海鮮有關嘅食材🙊鴛鴦滑分別有黑松露墨魚滑同埋蟹子蝦滑，可以雙拼就啱晒我呢啲選擇困難症乜都想試嘅人。兩款滑都各有千秋，我就比較鍾意食墨魚滑，食到墨魚嘅鮮味同時亦都有淡淡嘅黑松露香味
另外佢都有好多自家製手工餃，menu上有款美人餃係推薦菜式，一問之下，原來裡面嘅餡料都好特別，其中一樣係養顏嘅桃膠心目中呢一樣食材通常會出現係甜品裏面，所以當聽到店員話餃子裏面有塗膠，本住咩都試下嘅精神就二話不說落咗order嚕！不過果然相當有驚喜呀，除咗桃膠原來仲有冬蟲草同豬肉，幾樣野配合起上黎出奇地夾，口感仲好得意如果塊外皮薄d就更加好！
美人餃
23 views
0 likes
0 comments
食夠$500 Like佢地facebook，原來仲會送安格斯牛肉，店員話新開張所以零舍多優惠。原來佢地只係開咗一個月左右，仲預告定叫我地留肚有甜品送😎講番份牛肉，肥瘦適中，因為我好怕食太重油脂嘅肥牛，佢好有牛味，靚牛所以唔洗淥到全熟就可以擺落口🤙🏻🤙🏻
安格斯牛
25 views
0 likes
0 comments
魚樂無窮下的買一送一優惠🤩仲有另一個優惠就係佢自家製嘅飲品買一送一有冬瓜薏米水同埋紫貝天葵，成日有人話打邊爐熱氣，配埋依兩種健康下火飲品，仲唔係Prefect Match??!
冬瓜薏米水，紫貝天葵
53 views
0 likes
0 comments
臨到尾聲嘅時候，店員就拎咗份好精緻嘅甜品岀黎，開頭仲以為係年糕，原來係糖不甩相機食飽之後，佢就將兩尾魚掉落個醉雞鍋到。開頭都擔心又咸又甜會唔會好怪嫁？點知原來係完全無問題，貼心嘅店員知我花生過敏，仲特登為我準備咗砂糖黎食呢個糖不甩添👍🏻煙煙靭靭食唔停口
糖不甩
16 views
0 likes
0 comments
另一懷舊甜品，啫喱仲有把遮仔牙籤做點綴，令我諗起細個成日嚷著要係茶樓點啫喱糖食，呢樣簡單嘅甜品好有一種家的感覺🌻
懷舊啫喱
59 views
0 likes
0 comments
誤打誤撞俾我地試到一間好食嘅邊爐，佢用料新鮮，店員有禮貌service好好，食食下仲幫我地個鍋濾油，真係好貼心！舖頭內外都睇得岀係有heart嘅懷舊設計，啱曬我呢d相機食先黎打卡呃LIKE下次大班人黎聚會我都會推薦同撈同煲俾大家，雖然價錢唔算十分平，但佢用料新鮮，坐得舒服，多d人仲可以嗌多d食物試暈佢丫嘛🎊
Post
