Mild

Open Now

Now Closed

九龍城開左唔少打卡咖啡店，人來人往，唔坐得耐。原來最遠的聯合道都有一間日啡夜酒嘅coffee shop。我地一班人黎，book左位先，一入就有位坐，而且一坐坐左三個幾鐘。唯一一個好大嘅問題，係上菜真係好慢，我地一行五個人，第一個上菜嘅食完，最後一個嗰碟都未黎，可能人手不足，真係要一碟一碟慢慢整。~蘋果雞胸酸種包~可以揀酸種包或者貝果,，加左honey mustard，味道好夾，甜甜爽爽，係幾特別嘅配搭，出面比較少見，個人幾喜歡，而且酸種包唔會烘得過硬，係可以切到的。*煙三文魚牛油果酸種包*呢個比較普通，就係食緊食材本身嘅味道。*小龍蝦沙律炒滑蛋酸種包*呢碟等左差唔多45分鐘先到，真心係耐嘅。賣相相當唔錯，味道亦係正常。希望餐廳改善埋上餐速度就好。