渡邊屋

Open Now

Now Closed

舊區中既小店多如繁星，而驚喜當然也是不斷！今次就去左一間位於衙前圍道街角既小店。外表既日式木建築設計，一睇就知係日本菜既特色食店。開門入去，就見到兩位師傅既努力工程，睇住師傅專業地處理食材，都係一個學習欣賞既過程。今次叫左一個北海道刺身井，有滿滿既海膽、三文魚、油甘魚。刺身每塊都厚切，入口香甘，海膽更是鮮味不斷，香甜可口。而且飯粒分明，唔好太酸太散，食落一啖刺身配飯，一流！壽司拼盤亦相當高水平！平時食壽司最驚太大舊，一係就舊飯太大、太酸、太散。而今次既壽司一口size，而且味道做到平衡適中，刺身亦相當新鮮美味，當中赤蝦壽司更是大舊鮮甜，美味度十足。總括而言，呢間餐廳不論食物定係服務都一流！座位有限，所以下次要更快黎霸返個位！