小曼谷泰國美食 (Moved) New Location

去九龍城食泰國野，實在有好多選擇，但講到有人氣既，小曼谷一定係其中之一。夜晚黎食，肯定排到阿媽都唔認得，所以我選擇晏晝點零鐘黎，大把位，即入。肚仔餓，首先黎碟飽肚野 -- 蝦膏炒飯。我最鍾意重口味，呢個飯合晒我合車，粒粒飯都很有蝦膏的鹹香味，再加上臘腸、洋葱、青豆、雞肉等配料，賣飛佛。跟住想食香噴噴既串燒。要左「三雞」：雞脾菇、雞肉、雞翼，燒得好香，唔會乾爭爭，配埋惹味沙爹汁，好味！一場黎到，梗要豪少少食好西，再叫多隻蒜蓉開邊大頭蝦，蝦肉鮮甜，配蒜蓉同香葱，已經好夠味，正斗，食到最後一啖，先記起有碟酸辣汁，一點，醒胃，我都好like！