小曼谷泰國美食 (Moved) New Location

九龍城不嬲都係食泰國野既好地方，今晚同好友黎到好出名既小曼谷食～～我地先叫左個泰皇咖哩炒大蝦，咖哩甜甜的，有椰香味，而且夠杰身，D 蝦大大隻又爽口， 配埋薄餅食真係大滿足！！另外叫左個明爐香檸汁蒸桂花魚，超正呀，明爐魚熱辣辣上檯，湯汁仲甜甜酸酸，帶少少微辣，桂花魚肉質嫩滑，唔錯，仲愈食愈開胃，佢地仲會額外上多碗湯汁，等大家可以慢慢一路食一路滾，真係好OK!臨尾仲叫左個菠蘿雞肉炒飯，入面勁多雞肉同菠蘿，食落好香炒飯味，兩個人食都算多。最後一人一杯野飲，龍眼茶、柚子蜜，2杯都唔會甜，好飲！