Video
Read full review
2023-10-04
581 views
去開九龍城買嘢，梗係順便食返餐泰國菜啦，小曼谷啱晒我哋，價錢經濟，食物又好味😋泰式拼盤 $178首先嚟過細份嘅小食拼盤，有蝦餅、魚餅、春卷、雞棗，每款都好好食，新鮮炸起，金黃香脆，其中我最鍾意食魚餅同埋蝦餅，魚餅爽彈，少少辣好惹味，蝦餅超級爽口彈牙，沾上泰式甜辣醬好正😋泰式醃豬頸肉沙律 $128請問可以揀辣度，我哋揀咗小辣，酸辣酸辣，好開胃👍🏻超級足料，豬頸肉仲多過沙律菜😆豬頸肉燒得好爽口，大大塊，啖啖肉。黃咖喱牛腩$108牛腩煮得好淋，入口鬆化，黃咖喱味道冇得輸，好香好惹味，唔會太辣😋薯仔都煮得好粉，入晒味。呢個汁要嚟沾麵包食一流。沙嗲串燒 $88我哋要咗兩串牛肉，兩串雞肉，燒得啱啱好，牛肉唔會乾，雞肉保持肉汁，幾嫩。沾上惹味微辣嘅沙嗲醬，好好食。菠蘿海鮮炒飯$118菠蘿炒飯色彩繽紛，超級多料👍🏻，除咗有菠蘿之外仲有好多海鮮，大蝦、魷魚、帶子，再撈入伴碟嘅肉鬆、提子乾，成個飯有少少黃薑味，味道豐富😋泰式鮮蝦炒金邊粉 $108呢個都炒得一樣好食，有幾隻大蝦，金邊粉酸酸甜甜，加入左大量爽口芽菜，仲有啲豆乾絲、蝦皮、蛋花，再伴入花生碎，越食越開胃。
泰式拼盤 $178
首先嚟過細份嘅小食拼盤，有蝦餅、魚餅、春卷、雞棗，每款都好好食，新鮮炸起，金黃香脆，其中我最鍾意食魚餅同埋蝦餅，魚餅爽彈，少少辣好惹味，蝦餅超級爽口彈牙，沾上泰式甜辣醬好正😋
泰式醃豬頸肉沙律 $128
請問可以揀辣度，我哋揀咗小辣，酸辣酸辣，好開胃👍🏻超級足料，豬頸肉仲多過沙律菜😆豬頸肉燒得好爽口，大大塊，啖啖肉。
黃咖喱牛腩$108
牛腩煮得好淋，入口鬆化，黃咖喱味道冇得輸，好香好惹味，唔會太辣😋薯仔都煮得好粉，入晒味。呢個汁要嚟沾麵包食一流。
沙嗲串燒 $88
我哋要咗兩串牛肉，兩串雞肉，燒得啱啱好，牛肉唔會乾，雞肉保持肉汁，幾嫩。沾上惹味微辣嘅沙嗲醬，好好食。
菠蘿海鮮炒飯$118
菠蘿炒飯色彩繽紛，超級多料👍🏻，除咗有菠蘿之外仲有好多海鮮，大蝦、魷魚、帶子，再撈入伴碟嘅肉鬆、提子乾，成個飯有少少黃薑味，味道豐富😋
泰式鮮蝦炒金邊粉 $108
呢個都炒得一樣好食，有幾隻大蝦，金邊粉酸酸甜甜，加入左大量爽口芽菜，仲有啲豆乾絲、蝦皮、蛋花，再伴入花生碎，越食越開胃。
Post
