鱷魚泰國餐廳 (Closed)

講到食泰國嘢，相信各位鍾意搵食嘅朋友都知道九龍城呢度最多架啦！所以我今次就走咗去九龍城搵好嘢食係門口比呢間鱷魚泰國餐廳吸引左，裝修幾靚同好乾淨。另外佢仲有一個特別嘅優惠，就係晚市叫滿＄200就會送一款菜有魚,雞翼,豬頸肉同埋炒菜等都幾抵食架。如果唸唔到叫咩可以揀優惠套餐~為咗試佢個＄200送小菜，我哋就叫咗幾樣餸之後揀送個青檸烏頭魚，第一樣黎嘅係青咖喱雞，味道啱啱好，有少少青檸味，配上蒜蓉包或者薄餅就啱啱好第二樣係豬頸肉沙律，原來豬頸肉沙律係一碟炒豬頸肉再配上新鮮嘅生菜，不得不提嘅就係份豬頸肉超大碟，好抵食呀！ 加上泰式嘅醬料酸酸地咁好易入口。另外仲叫咗一個沙嗲拼盤，＄68就可以揀六串豬牛雞，串燒味道幾好，又抵食。跟住就到主角出場啦～就係呢個烏頭魚，雖然佢係免費送但係份量同正常叫嘅一樣，大大條魚仲要用個鍋一路煮住咁樣上食滿＄200就送條魚係咪好抵呢！最後仲有個金邊粉，有好多海鮮～唔錯唔錯總括來講呢間餐廳好值得大家去九龍城時試吓，有泰國風味之餘價錢又好合理地方，下次食泰國野一定要番黎食