巴蜀烤全魚 (Closed)

九龍城有好多正宗特色餐廳，今日就試呢間巴蜀烤全魚。巴蜀係先秦時期地區名，主要在今四川境内。烤全魚就係將整條新鮮鯇魚，熱高溫烤至金黃色。因為今晚得兩個人食，所以我哋叫咗鯇魚小邊，配小辣嘅香麻辣味湯底，有辣椒、葱、洋蔥、豆豉等調味。烤全魚魚皮烤到有少少焦香，鯇魚肉則肉質偏腍，而且入哂湯底嘅麻辣味。健康啲加咗萵筍同娃娃菜，萵筍好配合辣嘅湯底，既帶少少清涼感覺，可以減辣。烤全魚上菜時用火烘住，唔怕會凍咗，而且越耐越入味，煮得耐可以加湯。朋友加咗薯粉，吸收咗湯底之後又入味又彈牙。大漠羊肉串，羊肉片肥美多脂肪，烤過之後油脂感滲哂出嚟，加上大量孜然粉，香氣同風味十足。手抓餅，好重香蔥味，非常惹味，就咁食或者點麻辣湯底都好合適。