譽滿點心專門店 (Moved) New Location

屯馬線開通後已經去左九龍城搵食好多次，今次跟隨網友推薦先去一間標榜每日全自家點心師傅新鮮製作，即叫叫蒸既點心專門店 - 譽滿點心試一下，之後先再去試另一家老字號糖水店食糖水。.餐廳做老街坊生意，營業時間非常長，朝早6點半一路開到零晨，好方便一眾早起既晨運客同番夜班既客人開餐。鋪頭開正係九龍城大街，好近地鐵站，鋪面地方比想像中大同滿人，晚飯超早場時間去到都已經有7-8成滿。點心花款好多，按一貫慣例都係搵店員推薦先試佢地最多人叫既項目。.依個人喜好排序1️⃣新彊棗皇糕 $242️⃣青芥末子母蝦餃 $283️⃣蟹籽蒸燒賣 $274️⃣蜜汁叉燒腸 $225️⃣鮑汁花生炆鳳爪 $326️⃣涼拌黑木耳拼青瓜 $197️⃣山竹牛肉球 $20.總評：是日VIP一定係新彊棗皇糕，特濃紅棗味，唔太甜口感煙韌，係我喜歡既味道同口感。我的最愛第二位係青芥末子母蝦餃，所謂既子母其實係指上面佢再會有一粒裝住青芥末既BB蝦餃，夾埋一齊食。青芥末味道幾出，幾特別。蟹籽蒸燒賣足料大粒係傳統酒樓出品，以份量計其實呢個價錢相當實惠。叉燒腸、鳳爪同牛肉球屬正常發揮，性價比高。特別係個鳳爪一碗真係好多隻。我個人都幾鍾意個涼拌黑木耳拼青瓜，最快清碟。雖然唔