譽滿點心專門店 (Moved) New Location

位於九龍城大馬路，其實經過門口好多次。朋友大力推介下，日趁星期六同屋企人一齊去試下！餐廳坐位都算多，星期六１點幾去到，等左一張檯就到我地喇！坐隔離檯既大部分都係上左年紀既，應該都係呢頭既街方，坐得咁爆應該都有咁上下質素，員工都做到無停手。點心選擇都算唔錯，有Ｄ懷舊點心，好似灌湯餃﹑花生炆鳳爪。灌湯餃好抵，只係$27, 如果去D連鎖果D酒樓一定要係頂點價錢啦!呢度賣點係點心即叫即蒸，所以落左單都要等一等。我覺得呢度得最出色既係蒸點心既外皮。上檯已經見到係晶瑩剔透，咬落去夠晒熱同埋煙煙韌韌，一定係新鮮先可以做到呢個效果！加埋黑松露野菌，味道一流，黎呢度一定要試。鮮蝦菠菜餃鮮蝦大大隻又脆口，菠菜份量多，口感豐富！原籠古法馬拉糕，庶糖味濃，唔會太甜。３個人食叫左９個點心，食到好飽！因為樣樣都想試！食緊果時仲見到好多人叫外賣，無諗過點心專門店可以做到咁高水準既點心，加上價錢相當抵食，一定會再黎幫襯。